Sprengi­sandur: Raf­byssur, efna­hags­málin, há­skólar og orku­skipti

Áslaug Arna Sigurbjörnsdóttir, háskóla-, iðnaðar- og nýsköpunarráðherra, mætir fyrst til leiks og ræðir háskólamálin. Stjórnvöld og atvinnulífið kalla eftir framúrskarandi menntun á háskólastigi en íslensku háskólarnir hafa ekki haldið stöðu sinni í samanburði við aðra síðustu ár. Er draumur HÍ um að verða einn af hundrað bestu skólunum hrein óskhyggja?

Guðmundur Ingi Ásmundsson forstjóri Landsnets mætir næstur til leiks. Hann fer yfir orkuskiptin og hvernig best sé að koma rafmagni á milli landshluta, en það virðist hafa flækst aðeins fyrir Íslendingum síðustu ár.

Þá munu þau Kristján Þórður Snæbjarnarson forseti ASÍ, Friðrik Jónsson formaður BHM og Anna Hrefna Ingimundardóttir aðstoðarframkvæmdastjóri SA fara yfir efnahagsmálin. Seðlabankinn hækkaði vexti í tólfta sinn í vikunni og aðilar á fjármálamarkaði hafa áhyggjur.

Síðast koma Björn Leví Gunnarsson og Vilhjálmur Árnason og takst á um rafbyssumálið. Átti dómsmálaráðherra að fara fyrir ríkisstjórn eins og forsætisráðherra og umboðsmaður Alþingis telja eða var það óþarfi?