„Hann fór tvisvar til útlanda, bæði skiptin í draumi“

Aníta Guðlaug Axelsdóttir skrifar 16. apríl 2023 07:00

Hvernig er að búa sem einbúi á afskekktum stað með einungis dýr og skepnur sér til félagsskapar? RAX hefur hitt nokkra einbúa sem margir hverjir hafa fullt að segja en heyrist sjaldan í, eins og RAX kemst að orði.

Meðal þeirra einbúa er Fríða í Dagverðargerði sem stundaði þar fjárbúskap ásamt móður sinni. Eftir fráfall móðurinnar og heilsubrest vegna baráttu við berkla lagði Fríða niður búskapinn en gat ekki hugsað sér að flytja þaðan. Þegar RAX heimsótti hana bjó hún ein ásamt kettinum sínum og lá ekki á glettnum skoðunum sínum.

„Hún hafði einu sinni komið til Reykjavíkur og ætlaði aldrei þangað aftur nema rænulaus.“

RAX hitti líka ekkjumanninn Jón í Gautsdal sem hafði í gegnum tíðina orðið fyrir barðinu á vondum veðrum á bæ sínum innst í dalnum. Hann var ekki draughræddur þó hann byggi afskekkt og hefði ekki sjónvarp sér til félagsskapar, en hræðsluleysið kom sér vel þegar hann upplifið tveggja ára tímabil þar sem hann var skyggn.

Þessu einstaka fólki kynnumst við betur í nýjasta þætti RAX Augnablik í spilaranum hér að neðan.

Klippa: RAX augnablik - Einbúar

Hér fyrir neðan má sjá fleiri þætti úr smiðju RAX.

RAX var eitt sinn bent á mann að nafni Jónmundur sem var sagður hafa níu líf því hann hafði lent í meiri hrakföllum en flest okkar. RAX fékk að mynda Jónmund og heyra hrakfallasögur hans.

Klippa: RAX Augnablik - Jónmundur með 9 líf

RAX heimsótti hjónin Björn og Hildi í Grjótnesi á Melrakkasléttu árið 1996 en hjónin voru tvö eftir á bæ sem taldi hátt í fjörtíu íbúa þegar best lét. Hildur flutti til Íslands frá Þýskalandi í seinna stríði og kunni vel að meta kyrrðina í Grjótnesi og að þau gætu bjargað sér sjálf með mat á bænum, en hræddist brjáluðu veðrin sem skella stundum á nesinu.

Klippa: RAX Augnablik - Í norðangarra í Grjótnesi

Í þáttunum RAX Augnablik segir ljósmyndarinn Ragnar Axelsson sögurnar á bak við margar af sínum þekktustu myndum. Ragnar hefur starfað á vettvangi í meira en fjörutíu ár og eru sögurnar hans ævintýralegar. Nýr þáttur kemur út á hverjum sunnudegi hér á Vísi og á Stöð 2+.

Hægt er að sjá alla þættina hér á Vísi.

RAX Ljósmyndun Menning

Tengdar fréttir

„Þetta var stórkostleg björgun“

Á jóladagsnótt árið 1986 sökk flutningaskipið Suðurland við dularfullar aðstæður á leið sinni til Murmansk. Veður var slæmt og kafbátar á vegum Rússa og Breta voru á ferð í nálægð við skipið. Skipið tók á sig mikið högg, sjór flæddi nær stjórnlaust inn, og það tók að sökkva hratt.

9. apríl 2023 07:00

Fólk ætti að vera sent til Færeyja í stað heilsuhælis

„Þetta er eins og að fara aftur í tímann.“ Svona lýsir Ragnar Axelsson ljósmyndari litlu þorpi í Færeyjum í nýjasta þættinum af RAX Augnablik.

4. desember 2022 07:00

Slátruðu 250 þúsund hreindýrum þegar vírus fannst á svæðinu

Ragnari Axelssyni langaði að skrásetja með myndum líf hreindýrahirðingjanna á Síberísku túndrunni, en til þess þurfti hann að ferðast til borgar sem aðeins var hægt að ferðast til ef manni væri boðið þangað.

2. apríl 2022 12:01

Svona er lífið í 53 stiga frosti í köldustu borg heims

Fyrir nokkrum árum var Ragnar á ferð í Yakutiu í Síberíu, en ríkið er þekkt fyrir miklar öfgar í hita og kulda. Höfuðborg ríkisins, Yakutsk, er kaldasta borg heims, og Ragnar vildi skrásetja lífið í kuldanum í borginni og á túndrunni í nágrenni borgarinnar.

20. mars 2022 07:00

RAX Augnablik: „Ég þurfti að labba þarna berrassaður í sjóinn“

Á ferð sinni um Finnland, þegar Ragnar Axelsson ljósmyndari var að skrásetja lífið á norðurslóðum, langaði hann að ná myndum af hinni miklu gufubaðshefð sem Finnar halda í heiðri.

20. febrúar 2022 07:01