Saka búinn að skrifa undir nýjan lang­tíma­samning við Arsenal

Nýr samningur saka rennur út sumarið 2027 en talið er að hann færi leik­manninum um 15 milljónir punda á árs­grund­velli.

Greint var frá því í febrúar fyrr á þessu ári að Arsenal og Saka hefðu náð saman um nýjan samning en þá­gildandi samningur hans átti að renna út í sumar.

Önnur fé­lög höfðu á­huga á leik­manninum en hann á­kvað að halda tryggð við upp­eldis­fé­lagið sitt.

Saka hefur verið í lykil­hlut­verki hjá Arsenal undan­farin tíma­bil og á yfir­standandi tíma­bili er hann búinn að skora fjór­tán mörk og gefa ellefu stoð­sendingar í 47 leikjum í öllum keppnum.