Julia Roberts heldur áfram að sýna ást sína á Manchester United

Pep Guardiola, knattspyrnustjóri Manchester City, er mikill aðdáandi Roberts og gerði mikið úr því þegar hún heimsótti Manchester United en lét ekki sjá sig hjá Manchester City.

Hann fékk seinna kveðju og hamingjuóskir frá Roberts en hún er ekkert að fara að skipta um lið.

Julia Roberts heldur áfram að sýna ást sína á Manchester United um helgina þegar hún hitti liðið á æfingaferð liðsins í Bandaríkjunum.

Roberts mætti þá á æfingarleik Manchester United og Arsenal í New Jersey sem United vann.

Eftir leikinn hitti hún leikmenn og það voru teknar margar myndir af henni með bæði knattspyrnustjóranum og leikmönnum hans.

Guardiola er hins vegar staddur með sitt lið í æfingaferð í Japan en getur afskrifað það að fá svona heimsókn frá leikkonunni á næstunni.