Áður hafði verið tilkynnt um að PGA Tour, DP World Tour og LIV Golf væru búin að slíðra sverðin eftir áralangar deilur og væru nú á leiðinni í samstarf.
Tiger Woods fær hlutverk í þessum viðræðum en kylfingarnir sjálfir vildu að hann kæmi inn í nefndina sem kemur að því að ákveða um framtíð golfsins.
Breaking News: The PGA Tour will add Tiger Woods to its board after a player rebellion over the tour s deal with Saudi Arabia s wealth fund. Players will now outnumber independent directors, giving them the final say in the tour s plan. https://t.co/epaWmB1O5b
— The New York Times (@nytimes) August 1, 2023
„Það er heiður fyrir mig að fá að koma fram fyrir hönd annarra kylfinga á bandarísku mótarröðinni,“ sagði Tiger Woods í yfirlýsingu.
„Þetta er mikilvægur tímapunktur fyrir mótaröðina og kylfingarnir munu gera sitt besta til að tryggja það að allar breytingar á fyrirkomulaginu munu taka inn hagsmuni allra á mótaröðinni og þar á meðal áhugafólks, styrktaraðila og kylfinga,“ segir enn fremur í yfirlýsingunni.
Tiger fékk því sæti í stefnumálastjórn bandarísku mótarraðarinnar, PGA TOUR policy board. Hún var áður skipuð tíu mönnum þar af fimm kylfingum. 41 kylfingur sendi sameiginlegt bréf þar sem þeir kröfðust að kylfingar fengju meira vægi og kemur innkoma Tigers þeim því í meirihluta.
Rory McIlroy situr með Tiger í þessari nefnd.
Þessi nýja stjórn mun eiga lokaatkvæði þegar kemur að öllum breytingartillögum í nýju samkomulagi. Ekkert verður samþykkt án þess að hún gefi grænt ljós.
#BREAKING: Tiger Woods has joined the PGA TOUR policy board as a player director. I am honored to represent the players of the PGA TOUR. This is a critical point for the TOUR, and the players will do their best to make certain that any changes that are made in TOUR operations pic.twitter.com/apXFd17GNN
— NUCLR GOLF (@NUCLRGOLF) August 1, 2023
