Val­geir og fé­lagar skrefi nær Evrópu­deildinni

Häcken er sænskur meistari frá því á síðasta ári en féll úr leik í undankeppni Meistaradeildarinnar eftir tap gegn færeyska liðinu Klaksvík.

Liðið mætti í dag Zalgiris frá Litháen en Árni Vilhjálmsson er á mála hjá Zalgiris. Fyrri leik liðanna í Litháen lauk með 3-1 sigri Häcken sem var því í góðri stöðu fyrir leikinn í dag.

Skemmst er frá því að segja að Häcken tryggði sér örugglega sæti í umspili Evrópudeildarinnar. Liðið vann 5-0 sigur á heimavelli í dag þar sem mörk frá Srdjan Hristic, Samuel Gustafson, Momodou Sonko og tvö frá Ibrahim Sadiq tryggðu öruggan sigur.

Valgeir Lunddal sat allan tímann á bekk Häcken og þá var Árni Vilhjálmsson ekki í leikmannahópi Zalgiris.