Gamla góða slökkvi­tækið dugar ekki á lit­hium raf­hlöður

Eldar sem kvikna út frá lithium rafhlöðum geta kviknað snögglega og breiðst hratt út. Rétt viðbrögð skipta því öllu máli og þar koma vönduðu sex lítra vatnsslökkvitækin frá Securitas að góðum notum en þau eru sérstaklega ætluð til að slökkva lithium elda segir Helga Guðrún Lárusdóttir, deildastjóri vörustýringar hjá Securitas.

 „Notkun tækja sem ganga fyrir lithium hleðslurafhlöðum hefur aukist mikið undanfarin áratug hér á landi eins og víðast hvar í heiminum. Vert er að taka fram að vatni má alls ekki ausa yfir lithium elda þar sem frekari eldur myndast við það en slökkvitækið inniheldur vatn með Imprex C slökkviefni sem er sérstaklega gert til að slökkva eld í brennandi lithium hleðslurafhlöðum allt upp í 642 Wh að stærð. Efnið er 100% flúorfrítt og því umhverfisvænni kostur.“

Helga segir slökkvitækið vera í A flokki en sá flokkur er fyrir slökkvitæki sem eru ætluð til að slökkva í föstum efnum. „Það er því tilvalið að bæta þessu tæki við á heimilið, í sumarhúsið eða fyrirtækið og staðsetja það nálægt þeim stöðum þar sem reglulega er verið að hlaða búnað með lithium hleðslurafhlöðum.ˮ

Í því sambandi er rétt að minna á að hleðslustaður á helst ekki að vera inni í íbúð. Ef hleðslustaður er innandyra skiptir miklu máli að vera með reykskynjara uppsettan og að hafa rétt slökkvitæki í öllum rýmum þar sem verið er að hlaða tæki. 

Sem dæmi um tæki sem helst eru í hættu nefnir hún rafhlaupahjól, rafreiðhjól, hleðsluverkfæri, rafgolfkerrur, farsímar og fartölvur. Staðsetning slökkvitækisins þarf líka að vera þannig að hægt sé að komast að því án þess að setja sjálfan sig í hættu vegna elds frá tæki.

Nánari upplýsingar á vef Securitas.