Vörur sem ýta undir í­­­myndunar­afl og sköpun barna

Vörurnar eru hannaðar til að ýta undir sköpun og ímyndunarafl barna auk þess að vera framleiddar úr hágæða efnum með tilliti til umhverfisins. Upphaflega var MiniPlay.is netverslun sem var sett í loftið í október á síðasta ári. Vegna mikillar eftirspurnar og þörf viðskiptavina til að skoða og fá að snerta á vörunum tóku eigendur þá ákvörðun að opna verslunina í Kópavogi segir Guðbjörg Una Hallgrímsdóttir, markaðsstjóri MiniPlay.is og annar eigenda.

„Það sem vakti fyrir okkur með stofnun MiniPlay.is var að okkur langaði að flytja inn fallegar vörur sem eru hannaðar til að ýta undir sköpun og ímyndunarafl barna. Vörurnar okkar ýta einmitt undir opinn leik hjá börnum þannig að þau nýtt sköpunarkraftinn sinn í gegnum leik. Það getur m.a. hjálpað þeim að auka sjálfstraust sitt, hreyfifærni, jafnvægi og fleira.“

Uppfylla ströngustu öryggis- og gæðastaðla

Fyrsta vörumerkið sem þau tóku inn heitir Katehaa en það fyrirtækis framleiðir fallegar klifurgrindur úr við fyrir börn. „Allar vörurnar eru framleiddar í Lettlandi og uppfylla ströngustu öryggis- og gæðastaðla. Annað vörumerki sem við tókum inn heitir Wigiwama. Það er einnig frá Lettlandi og framleiðir einstaklega fallega baunapúða og ýmislegt fleira fyrir börn. Fyrsta sending seldist upp hjá okkur á mettíma og fórum við í framhaldi af því að bæta við öðrum skemmtilegum vörumerkjum og auka vöruúrvalið.“

Í dag býður MiniPlay.is upp á fjölbreytt úrval af barnavörum, leikföngum og gjafavöru fyrir börn á öllum aldri. „Vörurnar okkar eru framleiddar úr hágæða efnum með tilliti til umhverfisins og eru án allra eitur- og ofnæmisvaldandi efna.“

Fengið frábærar viðtökur

Guðbjörg segir viðtökurnar vegna nýju verslunarinnar hafa verið hreint út sagt frábærar. „Það er gaman að geta boðið upp á gæðavörur sem eru framleiddar með tilliti til umhverfisins, ýta undir sköpun, ímyndunarafl og auka hreyfiþroska barna. Fólki finnst svo frábært að koma til okkar í búðina og leyfa krökkunum að leika sér og prófa vörurnar meðan fullorðna fólkið fær persónulega og góða þjónustu. Við erum með allar okkar helstu vörur til sýnis í versluninni og því ríkir mikil ánægja yfir því að geta komið og séð vörurnar áður en þær eru keyptar.“

MiniPlay.is er sífellt að bæta við sig nýjum vörum og vörumerkjum að sögn Guðbjargar. „Vörumerkin sem við erum að vinna með eru einnig sífellt að auka vöruúrvalið og koma með spennandi nýjungar. Því hvet ég sem flesta til að kíkja reglulega til okkar og skoða úrvalið.“

Nánar á miniplay.is.