Gæðin felast í vörunum frá DeWalt

Sindri hefur fengið töluvert af nýjungum í Dewalt línuna, þar á meðal háþrýstidælur, hnoðbyssur, slípirokka og verkfæratöskur. „Nýja háþrýstidælan frá DeWalt gengur einungis fyrir rafhlöðum en um er að ræða tvær 18v rafhlöður eða samtals 36v,“ segir Jóhann Þór Línberg Kristjánsson, sölumaður hjá Sindra. 

„Hægt er að nota háþrýstidæluna þráðlausa á þann hátt að hún getur dregið ferskvatn úr t.d. vötnum og ám eða vatni úr fötu svo dæmi séu tekin. Því er ekki nauðsynlegt að hafa aðgang að vatni úr krana þótt vissulega sé hægt að tengja hana beint við krana.“

Helsti kosturinn við dæluna er því sá að hægt er að nota hana þar sem ekki er rennandi vatn eða aðgangur að rafmagni. „Háþrýstidælan kemur með öllum fylgihlutum sem rúmast í hólfi á dælunni sjálfri og því tekur hún lítið geymslupláss.“

Nettar og vandaðar hnoðbyssur

Nýju hnoðbyssurnar frá Dewalt eru vandaðar og nettar en þær nota 18V Dewalt rafhlöður sem iðnaðarmenn þekkja vel frá vinnustöðum. „Hnoðbyssurnar koma í tveimur stærðum. Önnur er fyrir smærra hnoð, 2.5 mm til 4.8 mm hnoð og er sú hnoðbyssa hraðvirkari. Stærri gerðin er fyrir 4.8 mm til 6.4 mm hnoð og er niðurgíraðri fyrir þyngri vinnu,“ segir Jóhann.

Hnoðbyssurnar eru ætlaðar iðnaðarmönnum sem nota þær mikið í störfum sínum. „Báðar gerðir eru með skiptanlegum framendum fyrir mismunandi stærðir af hnoðum sem einfalt er að skipta um. Með nýrri gerð kolalausra mótora eru þessi verkfæri mun nettari en áður.“

Slípirokkur án snúru eykur þægindin

Sindri hóf einnig nýlega sölu á nýrri gerð rafhlöðu slípirokks frá DeWalt af stærstu gerð. „Hann tekur 230 mm skífu og notar DeWalt Flexvolt rafhlöðu sem er í senn 54v og 18V. Þessi slípirokkur keyrir á 54v og er gerður fyrir eina þannig rafhlöðu. Kostir við þennan rokk er að hann er með mjúkstarti sem eykur öryggi notenda.“

Einnig slær slípirokkurinn út ef skífa festist og hefur álagsljós sem hjálpar til við að halda réttum vinnuhraða. „Það er mikill kostur að hafa möguleika á snúrulausu verkfæri í þessari stærð á byggingarstað, þar sem aðgengi að rafmagni getur verið skert.

Rafhlöður sem ná fljótari vinnuhita

DeWalt Flexvolt rafhlaðan sem slípirokkurinn notast við er af nýrri kynslóð lithium rafhlaða. Þær nota flatar rafhlöðusellur í stað cylinder sella sem hafa verið í verkfærarafhlöðum síðan þær komu á markað. „Ávinningurinn er sá að þessar rafhlöður er fljótari að ná vinnuhita en hefðbundnar rafhlöður og þær yfirhitna síður. Rafhlöðurnar þola hraðari afhleðslu sem getur skilað allt að 50% meira afli í rafmagnsverkæri. Vegna minna hitaálags á flatar sellur hafa þær þann ávinning að endast lengur í þyngri vinnu með til dæmis SDS borvélum, hjólasögum, slípirokkum og öðrum orkufrekum verkfærum. Heildar líftími slíkrar rafhlöðu er tvöfaldur á móti hefðbundinni lithium rafhlöðu.“

Sterkar verkfæratöskur fyrir alla iðnaðarmenn

Nýjar gerðir af mjúkum verkfæratöskum frá DeWalt eru betur rakavarðar en fyrri töskur og innihalda meðal annars hólf að framan sem ver viðkvæman búnað fyrir bleytu segir Jóhann. „Sindri býður upp á nokkrar gerðir og stærðir af verkfæratöskum auk bakpoka og töskur á hjólum fyrir iðnaðarmenn á ferðinni. Þetta eru sterkar verkfæratöskur sem henta öllum iðnaðarmönnum.“

Sindri rekur þjónustuverkstæði sem annast uppsetningu, viðgerðir og viðhald á þeim tækjum sem fyrirtækið er með umboð fyrir og rekur um leið eina viðurkennda DeWalt verkstæði á landinu. „Þar taka vel þjálfaðir sérfræðingar á móti viðskiptavinum og meta bilanir og gera við. Við miðum að því að þjónustan sé sem skilvirkust og að biðtími sé sem minnstur.“

Í dag býður Sindri upp á allt sitt vöruúrval á einu stað að Smiðjuvegi 11 í Kópavogi en þar er þjónustuverkstæðið einnig staðsett. 

Einnig er Sindri með verslanir á Akureyri, Selfossi og í Reykjanesbæ ásamt því að vörur Sindra fást í Johan Rönning á Reyðarfirði.

Nánari upplýsingar á sindri.is.