Töfrablær yfir jólahúsi ársins í Kópa­vogi

Lista- og menningarráð Kópavogs stóð í ár í annað sinn fyrir leitinni að Jólahúsi Kópavogs. Á vef Kópavogsbæjar kemur fram að dæmt sé út frá samhengi við umhverfið, birtu og jólafíling/stemmingu.

„Falleg kyrrð í ljósdýrðinni“

Daltún 1 var valið jólahús ársins í ár. 

Umsögn dómnefndar:

„Falleg kyrrð í ljósdýrðinni, umhverfið hjálpar vissulega til með þessum fallegu trjám sem umliggja húsið. Einföld litasamsetningin sveipar ákveðnum töfrablæ yfir húsið allt um kring.“

Jólahús ársins í fyrra í jólagötu ársins í ár

Jólagata Kópavogs í ár er Múlalind, en þar stendur eitt mest skreytta hús landsins, Múlalind 2, sem var einmitt jólahús Kópavogs í fyrra.

Umsögn dómnefndar:

„Það er nú ekki annað hægt en að komast í jólaskap þegar keyrt/gengið er inn í Múlalindina. Fyrstu tvö húsin er einstaklega vel og mikið skreytt, þau setja tóninn fyrir alla götuna sem sú jólalegasta í Kópavogi þetta árið.“

Þá var Sunnusmári 22 - 28 útnefnt Jólafjölbýlishús Kópavogs 2023. Í umsögn dómnefndar segir að það sé mjög fallegt hversu samtaka nágrannarnir í Sunnusmáranum séu, allir hafi sett eins seríu og því sé heildarútkoman einstaklega falleg.

Birtan/bjarminn frá húsinu sést langar leiðir og verður fallegri því nær maður kemur að húsinu.