„Skattayfirvöld eru að mjólka okkur til blóðs“ Oddur Ævar Gunnarsson skrifar 10. janúar 2024 09:44 Halldór Halldórsson, forstjóri Íslenska kalkþörungafélagsins. Vísir/Vilhelm Halldór Halldórsson, forstjóri Íslenska kalkþörungafélagsins sem staðsett er á Bíldudal, segir skattayfirvöld mjólka fyrirtækið til blóðs. Skatturinn fari fram á hærri skatt en sem nemur hagnaði fyrirtækisins og segir Halldór írska fjárfesta þess steinhissa. Málið verður rekið fyrir dómstólum. Þetta er meðal þess sem fram kom í Bítinu á Bylgjunni í morgun. Þar var Halldór gestur í tilefni af Skattadeginum svokallaða sem er á morgun. Þar mun Halldór fara með fyrirlesturinn „Erlend fjárfesting? Nei takk,“ þar sem hann mun segja frá því viðmóti sem fyrirtækið á Bíldudal hafi mætt. Enginn innanlands vildi fjárfesta „Á einfaldri íslensku er þetta náttúrulega þannig að skattayfirvöld eru að mjólka okkur til blóðs og rúmlega það. Ef við værum ekki í eigu sterks móðurfyrirtækis sem á fjölda annarra fyrirtækja, með höfuðstöðvar í Cork á Írlandi, þá værum við dauð.“ Halldór rifjar upp að fyrirtækið hafi verið stofnað um aldamótin af Atvinnuþróunarfélagi Vestfjarða. Nú sé það með þrjátíu manns í vinnu en enginn innlendur aðili fékkst til þess að fjármagna verkefnið. Upphaflega hafi sex til sjö manns átt að vinna hjá fyrirtækinu en fjárfesting Íranna tryggt að það gæti stækkað. „Það náðist í þetta írska fyrirtæki sem hafði reynslu og hafði mikla markaðsgetu og þekkingu af þessari starfsemi og það fékkst ekki einu sinni einn íslenskur banki til að fjármagna þetta. Bank of Scotland fjármagnaði þetta, íslensku bankarnir ætluðu nú ekki að fara í þennan hundsrass á hjara veraldar og hætta fé sínu í það.“ Meira en veltan á einu ári Halldór segir að til einföldunar snúist málið um það að skattayfirvöldum finnist að Íslenska kalkþörungafélagið eigi að greiða tekjuskatt með móðurfélagi sínu í Írlandi. „En tekur ekki tillit til þess að móðurfélagið er miklu meira heldur en bara það sem kemur frá Íslandi í kalkþörungum. Móðurfélagið er með allskonar aðrar verksmiðjur. Við höfum nú reynt að útskýra þetta fram og til baka en allt kemur fyrir ekki.“ Hann segir að ef ekki væri eins fjársterkur aðili að baki fyrirtækisins myndi það ekki hafa bolmagn í að borga slík gjöld sem lögð eru á það. Halldór tekur fram að félaginu þyki hið eðlilegasta mál að borga sína skatta, það geri félagið og borgi einnig auðlindagjöld. „Ef við værum ekki í eigu svona sterks móðurfélags þá hefðum við ekki haft bolmagn í þetta, vegna þess að bara álagningin á okkur, eins og við séum með 35 prósent hagnað í tekjum þegar við eigum ekki séns á að fara yfir 12 prósent hagnað í tekjum,“ segir Halldór. „Það eru ábyggilega ekki mörg fyrirtæki með 35 prósent hagnað af tekjum. Það er lagt á okkur þannig og 25 prósent álag. Þannig það eru lagðir á okkur 2,4 milljarðar bara svona, það er meira en veltan á einu ári.“ Halldór segir félagið hafa fengið samanburðarkönnun á stöðu annarra sambærilegra fyrirtækja í Evrópu. Þau séu að meðaltali rukkuð um 12 prósent skatt. Hann segir Skattinn ekki sinna leiðbeiningarhlutverki sínu. Írarnir í sjokki Hvernig nenna Írarnir að standa í þessu? „Þeir eru svolítið sjokkeraðir núna vegna þess að þeir voru dregnir til landsins á sínum tíma. Nú einhvern veginn fá þeir bara að heyra: „Helvítis útlendingar sem eru að misnota auðlindir okkar og vilja síðan ekki borga neina skatta.“ Halldór segir gríðarlega þörf fyrir slíka fjárfestingu eins og þá sem írska félagið hafi lagt til. Hún hafi haft gríðarleg áhrif samfélaginu á Bíldudal til heilla. Halldór segir félagið á Bíldudal vilja borga alla sína skatta. Þeir megi þó ekki verða til þess að reka félagið í þrot. Vísir/Vilhelm „Stjórnvöld segja, við viljum erlenda fjárfestingu en þetta mál, og því miður miklu fleiri eru svona, þannig að það fer ekki saman hljóð og mynd.“ Nenna Írarnir í þessa baráttu? „Já. Þeir ætla að taka þessa baráttu með okkur. Við allavega verðum að fara með þetta fyrir dómstóla.“ Hvað ef þið tapið þessu máli hér á Íslandi? Fer það lengra? Hver er framtíð Íslenska kalkþörungafélagsins? „Þetta er svo góð spurning að það er ekki hægt að svara henni. Þetta gæti tekið mörg ár fyrir dómstólum. Það er fyrirtaka á morgun, enn og aftur í héraðsdómi, þetta er nú bara rétt að byrja þar. Hún snýst um dómkvadda matsmenn og eitthvað slíkt. Þannig að það er örugglega mjög langt ferli framundan í því.“ Þið teljið réttinn það mikið ykkar megin að þið viljið fara með þetta þessa leið? „Já, við erum svolítið eins og drukknandi maður sem er að reyna að ná sér í súrefni. Af því að við erum ekki fyrirtæki sem getur rekið sig með 35 prósent hagnaði af tekjum. Það er bara staðreynd.“ Skattar og tollar Vesturbyggð Bítið Mest lesið Hvað þurfum við að eiga mikið til að geta hætt að vinna? Viðskipti innlent Herra Hnetusmjör tekjuhæstur í Iceguys Viðskipti innlent Muni ekki hika við að hækka vexti Viðskipti innlent Endurbættur Kaffivagn opnar aftur í dag Viðskipti innlent Sektað fyrir að auglýsa of mikið fyrir Áramótaskaupið Viðskipti innlent Seðlabankinn heldur stýrivöxtunum óbreyttum Viðskipti innlent Kristján og Leó kaupa fyrrverandi höfuðstöðvar Landsvirkjunar Viðskipti innlent Bein útsending: Rökstyðja stýrivaxtaákvörðunina Viðskipti innlent Davíð trónir enn og aftur á toppnum Viðskipti innlent Ráðin til Fossa fjárfestingarbanka Viðskipti innlent Fleiri fréttir Ósáttir með ákvörðun peningastefnunefndar Muni ekki hika við að hækka vexti Sektað fyrir að auglýsa of mikið fyrir Áramótaskaupið Kristján og Leó kaupa fyrrverandi höfuðstöðvar Landsvirkjunar Endurbættur Kaffivagn opnar aftur í dag Gleðiefni að fjármálaráðherri tali um aðhald í ríkisfjármálum Bein útsending: Rökstyðja stýrivaxtaákvörðunina Seðlabankinn heldur stýrivöxtunum óbreyttum Ráðin til Fossa fjárfestingarbanka Birta nýja ákvörðun um stýrivexti í dag Hvað þurfum við að eiga mikið til að geta hætt að vinna? Herra Hnetusmjör tekjuhæstur í Iceguys Sante fer í hart við Heinemann Davíð trónir enn og aftur á toppnum Runólfur á toppi tekjulistans yfir launahæstu embættismennina og forstjórana Ólafur Ragnar með rúma milljón meira en næsti maður Forstjórarnir sem möluðu gull í fyrra Ráðin framkvæmdastjóri Frama Afar ósátt við „óskiljanlega“ sekt Samkeppniseftirlitsins Taka sæti í framkvæmdastjórn Arctic Adventures Landsvirkjun sektuð um 1,4 milljarða fyrir að undirbjóða keppinauta Kalt stríð sé í gangi á netinu Sjö Airbus-þotur verða komnar í flotann í vetur Tvö fjölbýlishús í stað bensínstöðvar á Háaleitisbraut Sekta Símann fyrir að auglýsa erlenda veðmálasíðu Róbert Aron og Einar Örn taka við rekstri Kolaportsins Forstjóri Kaldvíkur lét af störfum í samráði við stjórn Fríhöfnin endurhönnuð í anda íslenskrar náttúru Gervigreindin geti verið lykillinn að tollalækkun Besti fjórðungurinn í sögu Alvotech Sjá meira
Þetta er meðal þess sem fram kom í Bítinu á Bylgjunni í morgun. Þar var Halldór gestur í tilefni af Skattadeginum svokallaða sem er á morgun. Þar mun Halldór fara með fyrirlesturinn „Erlend fjárfesting? Nei takk,“ þar sem hann mun segja frá því viðmóti sem fyrirtækið á Bíldudal hafi mætt. Enginn innanlands vildi fjárfesta „Á einfaldri íslensku er þetta náttúrulega þannig að skattayfirvöld eru að mjólka okkur til blóðs og rúmlega það. Ef við værum ekki í eigu sterks móðurfyrirtækis sem á fjölda annarra fyrirtækja, með höfuðstöðvar í Cork á Írlandi, þá værum við dauð.“ Halldór rifjar upp að fyrirtækið hafi verið stofnað um aldamótin af Atvinnuþróunarfélagi Vestfjarða. Nú sé það með þrjátíu manns í vinnu en enginn innlendur aðili fékkst til þess að fjármagna verkefnið. Upphaflega hafi sex til sjö manns átt að vinna hjá fyrirtækinu en fjárfesting Íranna tryggt að það gæti stækkað. „Það náðist í þetta írska fyrirtæki sem hafði reynslu og hafði mikla markaðsgetu og þekkingu af þessari starfsemi og það fékkst ekki einu sinni einn íslenskur banki til að fjármagna þetta. Bank of Scotland fjármagnaði þetta, íslensku bankarnir ætluðu nú ekki að fara í þennan hundsrass á hjara veraldar og hætta fé sínu í það.“ Meira en veltan á einu ári Halldór segir að til einföldunar snúist málið um það að skattayfirvöldum finnist að Íslenska kalkþörungafélagið eigi að greiða tekjuskatt með móðurfélagi sínu í Írlandi. „En tekur ekki tillit til þess að móðurfélagið er miklu meira heldur en bara það sem kemur frá Íslandi í kalkþörungum. Móðurfélagið er með allskonar aðrar verksmiðjur. Við höfum nú reynt að útskýra þetta fram og til baka en allt kemur fyrir ekki.“ Hann segir að ef ekki væri eins fjársterkur aðili að baki fyrirtækisins myndi það ekki hafa bolmagn í að borga slík gjöld sem lögð eru á það. Halldór tekur fram að félaginu þyki hið eðlilegasta mál að borga sína skatta, það geri félagið og borgi einnig auðlindagjöld. „Ef við værum ekki í eigu svona sterks móðurfélags þá hefðum við ekki haft bolmagn í þetta, vegna þess að bara álagningin á okkur, eins og við séum með 35 prósent hagnað í tekjum þegar við eigum ekki séns á að fara yfir 12 prósent hagnað í tekjum,“ segir Halldór. „Það eru ábyggilega ekki mörg fyrirtæki með 35 prósent hagnað af tekjum. Það er lagt á okkur þannig og 25 prósent álag. Þannig það eru lagðir á okkur 2,4 milljarðar bara svona, það er meira en veltan á einu ári.“ Halldór segir félagið hafa fengið samanburðarkönnun á stöðu annarra sambærilegra fyrirtækja í Evrópu. Þau séu að meðaltali rukkuð um 12 prósent skatt. Hann segir Skattinn ekki sinna leiðbeiningarhlutverki sínu. Írarnir í sjokki Hvernig nenna Írarnir að standa í þessu? „Þeir eru svolítið sjokkeraðir núna vegna þess að þeir voru dregnir til landsins á sínum tíma. Nú einhvern veginn fá þeir bara að heyra: „Helvítis útlendingar sem eru að misnota auðlindir okkar og vilja síðan ekki borga neina skatta.“ Halldór segir gríðarlega þörf fyrir slíka fjárfestingu eins og þá sem írska félagið hafi lagt til. Hún hafi haft gríðarleg áhrif samfélaginu á Bíldudal til heilla. Halldór segir félagið á Bíldudal vilja borga alla sína skatta. Þeir megi þó ekki verða til þess að reka félagið í þrot. Vísir/Vilhelm „Stjórnvöld segja, við viljum erlenda fjárfestingu en þetta mál, og því miður miklu fleiri eru svona, þannig að það fer ekki saman hljóð og mynd.“ Nenna Írarnir í þessa baráttu? „Já. Þeir ætla að taka þessa baráttu með okkur. Við allavega verðum að fara með þetta fyrir dómstóla.“ Hvað ef þið tapið þessu máli hér á Íslandi? Fer það lengra? Hver er framtíð Íslenska kalkþörungafélagsins? „Þetta er svo góð spurning að það er ekki hægt að svara henni. Þetta gæti tekið mörg ár fyrir dómstólum. Það er fyrirtaka á morgun, enn og aftur í héraðsdómi, þetta er nú bara rétt að byrja þar. Hún snýst um dómkvadda matsmenn og eitthvað slíkt. Þannig að það er örugglega mjög langt ferli framundan í því.“ Þið teljið réttinn það mikið ykkar megin að þið viljið fara með þetta þessa leið? „Já, við erum svolítið eins og drukknandi maður sem er að reyna að ná sér í súrefni. Af því að við erum ekki fyrirtæki sem getur rekið sig með 35 prósent hagnaði af tekjum. Það er bara staðreynd.“
Skattar og tollar Vesturbyggð Bítið Mest lesið Hvað þurfum við að eiga mikið til að geta hætt að vinna? Viðskipti innlent Herra Hnetusmjör tekjuhæstur í Iceguys Viðskipti innlent Muni ekki hika við að hækka vexti Viðskipti innlent Endurbættur Kaffivagn opnar aftur í dag Viðskipti innlent Sektað fyrir að auglýsa of mikið fyrir Áramótaskaupið Viðskipti innlent Seðlabankinn heldur stýrivöxtunum óbreyttum Viðskipti innlent Kristján og Leó kaupa fyrrverandi höfuðstöðvar Landsvirkjunar Viðskipti innlent Bein útsending: Rökstyðja stýrivaxtaákvörðunina Viðskipti innlent Davíð trónir enn og aftur á toppnum Viðskipti innlent Ráðin til Fossa fjárfestingarbanka Viðskipti innlent Fleiri fréttir Ósáttir með ákvörðun peningastefnunefndar Muni ekki hika við að hækka vexti Sektað fyrir að auglýsa of mikið fyrir Áramótaskaupið Kristján og Leó kaupa fyrrverandi höfuðstöðvar Landsvirkjunar Endurbættur Kaffivagn opnar aftur í dag Gleðiefni að fjármálaráðherri tali um aðhald í ríkisfjármálum Bein útsending: Rökstyðja stýrivaxtaákvörðunina Seðlabankinn heldur stýrivöxtunum óbreyttum Ráðin til Fossa fjárfestingarbanka Birta nýja ákvörðun um stýrivexti í dag Hvað þurfum við að eiga mikið til að geta hætt að vinna? Herra Hnetusmjör tekjuhæstur í Iceguys Sante fer í hart við Heinemann Davíð trónir enn og aftur á toppnum Runólfur á toppi tekjulistans yfir launahæstu embættismennina og forstjórana Ólafur Ragnar með rúma milljón meira en næsti maður Forstjórarnir sem möluðu gull í fyrra Ráðin framkvæmdastjóri Frama Afar ósátt við „óskiljanlega“ sekt Samkeppniseftirlitsins Taka sæti í framkvæmdastjórn Arctic Adventures Landsvirkjun sektuð um 1,4 milljarða fyrir að undirbjóða keppinauta Kalt stríð sé í gangi á netinu Sjö Airbus-þotur verða komnar í flotann í vetur Tvö fjölbýlishús í stað bensínstöðvar á Háaleitisbraut Sekta Símann fyrir að auglýsa erlenda veðmálasíðu Róbert Aron og Einar Örn taka við rekstri Kolaportsins Forstjóri Kaldvíkur lét af störfum í samráði við stjórn Fríhöfnin endurhönnuð í anda íslenskrar náttúru Gervigreindin geti verið lykillinn að tollalækkun Besti fjórðungurinn í sögu Alvotech Sjá meira