Dóm­nefndin búin að gera upp hug sinn í Söngva­keppninni

Greint var frá því hverjir skipa dómnefndina í hádeginu í dag. Fólkið fylgdist með rennslinu í gærkvöldi í Laugardalshöll og eru því búin að gera upp hug sinn. Hver hann er kemur í ljós í kvöld. Dómararnir sjö eru:

• Vigdís Hafliðadóttir söngkona
• Sindri Ástmarsson dagskrárstjóri Iceland Airwaves
• Erna Hrönn söngkona og útvarpskona
• Árni Matthíasson tónlistarblaðamaður og rithöfundur
• Sigríður Beinteinsdóttir söngkona
• Einar Bárðarson stjórnarformaður Tónlistarmiðstöðvar
• Elín Hall tónlistarkona

Dómnefndin hefur helmingsvægi atkvæða á móti símakosningu almennings í fyrri kosningu kvöldsins. Lögin tvö sem hafna í efstu sætunum fara svo í einvígi. 

Keppendur taka atkvæðin sem þau hlutu í fyrri hlutanum með sér í einvígið en þar tekur bara við símakosning almennings. Atkvæðin í seinni hlutanum bætast síðan ofan á eldri atkvæðin og heildarfjöldinn sker úr um hver stendur uppi sem sigurvegari.

Þeir sem vilja skilja söguna á bak við einvígið sem hefur verið við lýði í tæpan áratug geta kynnt sér fréttaskýringu Vísis um einvígið frá árinu 2015.