Innlent

Vinna hafin við nýjan Grindavíkurveg

Jón Ísak Ragnarsson skrifar
Vegagerðarmenn að störfum á nýja hrauninu. Jón Haukur mælir hita hraunsins.
Vegagerðarmenn að störfum á nýja hrauninu. Jón Haukur mælir hita hraunsins. Vísir/Vilhelm

Vinna hófst í dag við að leggja veg yfir hraunið sem rann yfir Grindavíkurveg í eldgosinu sem nú stendur yfir. Jón Haukur Steingrímsson jarðverkfræðingur hjá Eflu telur að vegkaflinn verði um 300 til 400 metrar á lengd. Verkið mun taka nokkra daga.

Vegagerðarmenn tóku fyrstu skrefin að lagningu nýs vegs yfir hraunið í dag. Hafist var handa við að jafna undir, koma byrjunarfyllingu inn í vegstæðið og hitamæla. Jón Haukur segir að vel hafi gengið en hellingur sé eftir af verkinu og þetta muni taka nokkra daga. 

Vegkaflinn er aðeins lengri nú en síðast þegar hraun rann yfir veginn í febrúar, en nýja hraunið rann að hluta til ofan á gamla hraunið. Vegkaflinn sem nú þarf að leggja er aðeins lengri en síðast, Jón telur að hann sé um 300-400 metrar og segir jafnframt að hraunið sé um tveir metrar að þykkt þar sem það er þykkast.

Vinna hófst í dag við vegagerð yfir nýja hraunið.Vísir/Vilhelm
Vegagerð Grindavík Eldgos á Reykjanesskaga

Tengdar fréttir

Nýr Grindavíkurvegur vonandi lagður til frambúðar

Jarðverkfræðingur hjá Eflu segir óvissu ríkja um hraunrennsli í átt að Suðurstrandavegi þrátt fyrir að útlitið sé ágætt sem stendur. Unnið er að lagningu nýs Grindavíkurvegar sem hann vonar að verði til frambúðar. 

Hraun runnið yfir Grindavíkurveg

Hraunrennslið úr eldgosinu sem hófst í morgun hefur náð yfir Grindavíkurveg. Þetta sést á vefmyndavélum.

Mest lesið


Fleiri fréttir

Sjá meira


×

Mest lesið