Erlent

Ísrael sam­þykkir ekki vopna­hlé

Rafn Ágúst Ragnarsson skrifar
Ásteitingarsteininn virðist vera hvort vopnahléð verði tímabundið eða ótímabundið.
Ásteitingarsteininn virðist vera hvort vopnahléð verði tímabundið eða ótímabundið. AP/Abir Sultan

Benjamín Netanjahú, forsætisráðherra Ísraels, segir að, þó Ísraelsmenn séu tilbúnir til þess að gera hlé á átökunum til að Hamasliðar afhendi þá gísla sem enn eru í þeirra haldi, komi það ekki til greina að binda endanlegri enda á átökin.

Sendinefndir frá Katar, Egyptalandi og Bandaríkjunum funda nú með fulltrúum Hamas og freista þess að binda enda á átökin sem geisað hafa í sjö mánuði. Viðræðurnar virðast stranda á því hvort vopnahléð verði tímabundið eða ekki. Hamasliðar krefjast ótímabundins vopnahlés en Netanjahú segir Ísrael ekki geta gengist við því.

„Við getum ekki samþykkt ástand þar sem herdeildir Hamas klifra neðan úr byrgjunum sínum, ná aftur valdi á Gasa, byggja upp hernaðarinnviði sína og ógna ísraelskum borgurum í nærliggjandi samfélögum, borgum suðursins og öllum landshlutum á nýjan leik,“ segir Netanjahú.

„Ísrael mun ekki gangast við kröfum Hamas,“ bætir hann við.

Samkvæmt umfjöllun breska ríkisútvarpsins felur sá samningur sem rætt er um í Kaíró í sér fjörutíu daga hlé á átökum til að hægt sé að sleppa gíslum og að Ísraelsmenn láti lausa Palestínumenn í ísraelskum fangelsum.

„Að gangast við kröfum Hamasliða yrði hræðilegur ósigur fyrir Ísrael. Það yrði stórsigur fyrir Hamas, Íran og allt hið illa,“ segir Netanjahú.

Átök í Ísrael og Palestínu Ísrael Palestína
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið