Dallas leiðir eftir stór­leik Luka og Kyri­e

Leikurinn var eins og lokatölur gefa til kynna heldur jafn en framan af leik voru leikmenn Timberwolves þó skrefinu á undan. Liðin skiptust svo á að hafa forystu í síðari hálfleik en þegar mest á reyndi voru það leikmenn Dallas sem héldu haus og skiluðu fyrsta sigrinum í hús.

Stórstjörnur Dallas mættu heldur betur til leiks í kvöld en Luka Dončić skilaði 33 stigum, 8 stoðsendingum og tók auk þess 6 fráköst. Kyrie Irving skoraði 30 stig, tók 5 fráköst og gaf 4 stoðsendingar. P.J. Washington skoraði 13 stig og Daniel Gafford 10 ásamt því að taka 9 fráköst.

Í liði Timberwolves var Jaden McDaniels óvænt stigahæstur með 24 stig. Anthony Edwards skoraði 19 stig, tók 11 fráköst og gaf 8 stoðsendingar. Þar á eftir komu Karl-Anthony Towns með 16 stig og Naz Reid með fimmtán.