Þetta kemur fram á vef stjórnarráðsins. Forsætisráðherra mun því auglýsa starf varaseðlabankastjóra peningastefnu síðar í sumar og skipa í embættið frá og með 1. janúar 2025.
Rannveig var ráðin til starfa í Seðlabankanum árið 2002 og var um áratug staðgengill aðalhagfræðings bankans áður en hún var skipuð í embætti aðstoðarseðlabankastjóra 1. júlí 2018. Hún varð síðan varaseðlabankastjóri peningastefnu við sameiningu Seðlabanka Íslands og Fjármálaeftirlitsins 1. janúar 2020.
Í tilkynningunni kemur einnig fram að áður en hún réðst til Seðlabankans var hún hagfræðingur BSRB og ASÍ.
