Fer til Dallas á nýjan leik

Hinn 31 árs gamli Dinwiddie hefur verið á flakki undanfarin ár en hann hefur verið í NBA-deildinni í áratug. Fyrstu tvö árin var hann hjá Detroit Pistons, þaðan fór hann til Brooklyn Nets árið 2016 og var þar í fimm ár.

Eftir það hefur hann flakkað frá Washington Wizards til Dallas til Nets á nýjan leik og loks til Lakers fyrr á þessu ári.

Þegar hann lék síðast með Dallas þá skoraði hann að meðaltali 17,4 stig í leik og spilaði stóran þátt þegar liðið komst í úrslit Vesturdeildar árið 2022. Hann skrifar undir eins árs samning við félagið sem fór alla leið í úrslit gegn Boston Celtics í vor.