Segir tímabært að Ísland stokki spilin upp á nýtt Jón Þór Stefánsson skrifar 24. júlí 2024 07:30 Maarten Haijer, framkvæmdastjóri The European Gaming and Betting Association. Maarten Haijer, framkvæmdastjóri hagsmunasamtaka evrópskra veðmálafyrirtækja, tekur til varna fyrir erlend veðmálafyrirtæki sem hafa verið áberandi í umræðunni hér á landi undanfarnar vikur. Það gerir hann í skoðanagrein sem birtist á Vísi í morgun þar sem hann segir regluverk á Íslandi varðandi fjárhættuspil vera fast í fortíðinni. Hagsmunasamtökin sem um ræðir heita The European Gaming and Betting Association. Þau eru starfrækt frá Brussel í Belgíu, en þekkt veðmálafyrirtæki líkt og Betsson og Bet365 eru aðilar að samtökunum. Grein Haijers hefst á gagnrýni í garð Lárusar Blöndal, forseta Íþrótta- og Ólympíusambands Íslands, sem sagði í Sprengisandi á Bylgjunni að ýmis Evrópulönd væru að loka ólöglegum fjárhættuspilasíðum á netinu. Haijers segir umræddar síður, sem eru starfræktar af einkafyrirtækjum, ekki vera ólöglegar og þá séu Evrópuríki frekar að styrkja umgjörð þeirra frekar en að loka þeim. „Um alla álfuna hafa lönd afnumið í áföngum þrönga einokun happdrættis- og veðmálafyrirtækja og innleitt leyfiskerfi sem er opið ábyrgum þjónustufyrirtækjum að uppfylltum ströngum skilyrðum. Breytingarnar taka ekki síst mið af því að um starfsemi á netinu gilda önnur lögmál en hefðbundin landamæri ná yfir,“ segir Haijer. Lárus sagði í kvöldfréttum Stöðvar 2 á dögunum að sér þætti ólíðandi að erlendar veðmálasíður fái að troða sér inn í íslenskt samfélag. „Það er hins vegar íslenskra stjórnvalda að stoppa ólöglega starfsemi í landinu og þetta er bara partur af henni. Svo er maður að lesa að einhver af þessum fyrirtækjum séu að styrkja menntaskólanema til að halda eitthvað djamm og guð veit hvað. Þetta gengur bara ekki upp og það verður að grípa til einhverra ráða til að stoppa þetta,“ segir Lárus sem vísaði til fregna um að veðmálafyrirtækið Coolbet hefði verið ansi áberandi í kringum útilegu Nemendafélags Verzlunarskóla Íslands Neytendur fari á vafasamar vefsíður í íslenska umhverfinu Í grein sinni segir Haijer núgildandi regluverk, þar sem Íslenskar getraunir einoki markaðinn, bæði fara á skjön við hvernig önnur Evrópulönd tækli málið og hvernig Íslendingar sjálfir kjósi að haga viðskiptum sínum. „Það liggur í hlutarins eðli að einokunarstarfsemi takmarkar val neytenda. Fjárhættuspili á netinu er verðdrifnn markaður. Fólk spilar fyrir eigin fjármuni og vill eðlilega hámarka mögulega ávöxtun sína. Tilraunir til að takmarka val neytenda með einokun skapar því fleiri vandamál en það leysir. Þeir sem vilja veðja á úrslit íþróttaleikja eða stunda önnur fjárhættuspil leita uppi valkosti sem bjóða betur en einokunarfyrirtækin.“ Haijer segir umrædda leit neytandans að veðmálasíðum geta leitt þá á óöruggar síður sem séu reknar af vafasömum fyrirtækjum. „Þessi áhætta fyrir neytendur er raunveruleg og er ein meginástæða þess að mikilvægt er að innleiða leyfiskerfi á Íslandi. Það myndi hvetja fleiri spilara til að sækja í þjónustu traustra fyrirtækja sem leggja höfuðáherslu á öruggari fjárhættuspil og réttindi neytenda,“ segir hann. Segir leyfiskerfi ekki auka óheilbrigð fjárhættuspil á netinu Jafnframt hvetur Haijer íslensk stjórnvöld til að taka upp leyfiskerfi. Að hans sögn mun það verða til þess að vafasamar vefsíður muni hafa erfitt fyrir og að það myndi afla íslenska ríkinu meiri skatttekna. Hann segir fjárhagslega ávinningin ótvíræðan. Þá segir hann að upptaka slíks kerfis í Danmörku og Svíþjóð hafa sýnt að það hafi jákvæð áhrif á markaðinn. Haijer segir það ekki auka óheilbrigð fjárhættuspil á netinu. „Upptaka leyfiskerfis snýst ekki um að hvetja fleiri til að stunda fjárhættuspil. Þvert á móti snýst slík breyting um að búa til reglusett umhverfi sem er öruggara fyrir spilara en núverandi umhverfi á Íslandi,“ segir hann. „Það er kominn tími til að Ísland stokki spilin og gefi upp á nýtt í nálgun sinni á regluverki um fjárhættuspil. Þannig getur landið fært sig inn í nútímann og lagað sig að því umhverfi sem tíðkast um alla Evrópu.“ Fjárhættuspil Fíkn Mest lesið Greindi þátt almennings og fjölmiðla í máli „strokufangans“ Innlent Sagður hafa tæmt sjóði flokksins og rekur nýja stjórn úr húsnæðinu Innlent Vonar að Rauði krossinn endurskoði afstöðu sína Innlent Þúsundir syrgja í Tehran og Trump segir æðstaklerkinn ljúga Erlent Handtóku ökumann eftir eftirför á Sæbraut Innlent Halla forseti blandar sér í götuljósaumræðuna Innlent Mikill viðbúnaður vegna eftirfarar á Sæbraut Innlent Segir ásakanir kjaftæði og íhugar meiðyrðamál Innlent Svifvængjaflugslys við Reynisfjall Innlent Reiða fram rúma milljón fyrir Jakub Innlent Fleiri fréttir Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Segulómtækið enn óvirkt og beðið eftir þúsund lítrum af helíni „Allar kannanir eru með einhverja óvissu“ Steini frá Straumnesi látinn Áfram frestað meðan formenn funda Birgir Ármannsson kominn með málflutningsréttindi Þingmenn ekki svo heppnir að fá tvöföld laun Standa saman gegn „óskiljanlegri“ ósk Vegagerðarinnar Helgi leiðir nefnd um atvinnumál í Norðurþingi Nú má heita Kareem Link Baggio og Anóra Vava Star Kerfið bilaði og atkvæði greidd upp á gamla mátann Sjá meira
Hagsmunasamtökin sem um ræðir heita The European Gaming and Betting Association. Þau eru starfrækt frá Brussel í Belgíu, en þekkt veðmálafyrirtæki líkt og Betsson og Bet365 eru aðilar að samtökunum. Grein Haijers hefst á gagnrýni í garð Lárusar Blöndal, forseta Íþrótta- og Ólympíusambands Íslands, sem sagði í Sprengisandi á Bylgjunni að ýmis Evrópulönd væru að loka ólöglegum fjárhættuspilasíðum á netinu. Haijers segir umræddar síður, sem eru starfræktar af einkafyrirtækjum, ekki vera ólöglegar og þá séu Evrópuríki frekar að styrkja umgjörð þeirra frekar en að loka þeim. „Um alla álfuna hafa lönd afnumið í áföngum þrönga einokun happdrættis- og veðmálafyrirtækja og innleitt leyfiskerfi sem er opið ábyrgum þjónustufyrirtækjum að uppfylltum ströngum skilyrðum. Breytingarnar taka ekki síst mið af því að um starfsemi á netinu gilda önnur lögmál en hefðbundin landamæri ná yfir,“ segir Haijer. Lárus sagði í kvöldfréttum Stöðvar 2 á dögunum að sér þætti ólíðandi að erlendar veðmálasíður fái að troða sér inn í íslenskt samfélag. „Það er hins vegar íslenskra stjórnvalda að stoppa ólöglega starfsemi í landinu og þetta er bara partur af henni. Svo er maður að lesa að einhver af þessum fyrirtækjum séu að styrkja menntaskólanema til að halda eitthvað djamm og guð veit hvað. Þetta gengur bara ekki upp og það verður að grípa til einhverra ráða til að stoppa þetta,“ segir Lárus sem vísaði til fregna um að veðmálafyrirtækið Coolbet hefði verið ansi áberandi í kringum útilegu Nemendafélags Verzlunarskóla Íslands Neytendur fari á vafasamar vefsíður í íslenska umhverfinu Í grein sinni segir Haijer núgildandi regluverk, þar sem Íslenskar getraunir einoki markaðinn, bæði fara á skjön við hvernig önnur Evrópulönd tækli málið og hvernig Íslendingar sjálfir kjósi að haga viðskiptum sínum. „Það liggur í hlutarins eðli að einokunarstarfsemi takmarkar val neytenda. Fjárhættuspili á netinu er verðdrifnn markaður. Fólk spilar fyrir eigin fjármuni og vill eðlilega hámarka mögulega ávöxtun sína. Tilraunir til að takmarka val neytenda með einokun skapar því fleiri vandamál en það leysir. Þeir sem vilja veðja á úrslit íþróttaleikja eða stunda önnur fjárhættuspil leita uppi valkosti sem bjóða betur en einokunarfyrirtækin.“ Haijer segir umrædda leit neytandans að veðmálasíðum geta leitt þá á óöruggar síður sem séu reknar af vafasömum fyrirtækjum. „Þessi áhætta fyrir neytendur er raunveruleg og er ein meginástæða þess að mikilvægt er að innleiða leyfiskerfi á Íslandi. Það myndi hvetja fleiri spilara til að sækja í þjónustu traustra fyrirtækja sem leggja höfuðáherslu á öruggari fjárhættuspil og réttindi neytenda,“ segir hann. Segir leyfiskerfi ekki auka óheilbrigð fjárhættuspil á netinu Jafnframt hvetur Haijer íslensk stjórnvöld til að taka upp leyfiskerfi. Að hans sögn mun það verða til þess að vafasamar vefsíður muni hafa erfitt fyrir og að það myndi afla íslenska ríkinu meiri skatttekna. Hann segir fjárhagslega ávinningin ótvíræðan. Þá segir hann að upptaka slíks kerfis í Danmörku og Svíþjóð hafa sýnt að það hafi jákvæð áhrif á markaðinn. Haijer segir það ekki auka óheilbrigð fjárhættuspil á netinu. „Upptaka leyfiskerfis snýst ekki um að hvetja fleiri til að stunda fjárhættuspil. Þvert á móti snýst slík breyting um að búa til reglusett umhverfi sem er öruggara fyrir spilara en núverandi umhverfi á Íslandi,“ segir hann. „Það er kominn tími til að Ísland stokki spilin og gefi upp á nýtt í nálgun sinni á regluverki um fjárhættuspil. Þannig getur landið fært sig inn í nútímann og lagað sig að því umhverfi sem tíðkast um alla Evrópu.“
Fjárhættuspil Fíkn Mest lesið Greindi þátt almennings og fjölmiðla í máli „strokufangans“ Innlent Sagður hafa tæmt sjóði flokksins og rekur nýja stjórn úr húsnæðinu Innlent Vonar að Rauði krossinn endurskoði afstöðu sína Innlent Þúsundir syrgja í Tehran og Trump segir æðstaklerkinn ljúga Erlent Handtóku ökumann eftir eftirför á Sæbraut Innlent Halla forseti blandar sér í götuljósaumræðuna Innlent Mikill viðbúnaður vegna eftirfarar á Sæbraut Innlent Segir ásakanir kjaftæði og íhugar meiðyrðamál Innlent Svifvængjaflugslys við Reynisfjall Innlent Reiða fram rúma milljón fyrir Jakub Innlent Fleiri fréttir Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Segulómtækið enn óvirkt og beðið eftir þúsund lítrum af helíni „Allar kannanir eru með einhverja óvissu“ Steini frá Straumnesi látinn Áfram frestað meðan formenn funda Birgir Ármannsson kominn með málflutningsréttindi Þingmenn ekki svo heppnir að fá tvöföld laun Standa saman gegn „óskiljanlegri“ ósk Vegagerðarinnar Helgi leiðir nefnd um atvinnumál í Norðurþingi Nú má heita Kareem Link Baggio og Anóra Vava Star Kerfið bilaði og atkvæði greidd upp á gamla mátann Sjá meira