Val­geir lagði upp en Orri fagnaði sigri

Valgeir lagði upp mark Häcken sem tapaði 1-2 fyrir Heidenheim á heimavelli. 

Þjóðverjarnir komust yfir á 31. mínútu með marki Sirlords Conteh en aðeins fimm mínútum síðar jafnaði Mikkel Rygaard metin fyrir sænska liðið eftir undirbúning Valgeirs. Skömmu síðar fór Valgeir af velli vegna meiðsla. Staðan var 1-1 í hálfleik.

Aðeins eitt mark var skorað í seinni hálfleik en það gerði Brasilíumaðurinn Leo Scienza fyrir Heidenheim á 65. mínútu.

Orri lék allan leikinn í framlínu FC Kaupmannahafnar sem sigraði Kilmarnock, 2-0, á Parken.

Staðan var markalaus í hálfleik og allt fram á 77. mínútu þegar Kevin Diks kom Dönunum yfir með marki úr vítaspyrnu. Þegar sex mínútur voru komnar fram yfir venjulegan leiktíma skoraði Rasmus Falk svo annað mark FCK en það gæti reynst afar dýrmætt fyrir seinni leikinn eftir viku.

Andri Fannar Baldursson og Eggert Aron Guðmundsson sátu allan tímann á varamannabekknum þegar Elfsborg bar sigurorð af Molde, 0-1, í umspili um sæti í Evrópudeildinni.