Aron Can með stóra tón­leika er­lendis

Í fréttatilkynningu segir:

„Tónleikarnir, sem bera heitið The Monní Show, fara fram þann 19. október í hinu þekkta tónleikahúsi Pumpehuset í miðborg Kaupmannahafnar.

Það er svo sem ekkert nýtt af nálinni að íslenskir tónlistarmenn leggi land undir fót og haldi tónleika erlendis, þá sérstaklega í Kaupmannahöfn, en það sem gerir þessa tónleika sérstaka er að jafn þekkt og stórt fyrirtæki og All Things Live sé að sjá um prómóteringu og framleiðslu tónleikanna.“

Í spilaranum hér að neðan má sjá stuttmynd við lögin Flýg upp og Varlega með Aroni Can. Leikstjóri er Erlendur Sveinsson: 

Aðrir tónleikar sem All Things Live stendur fyrir í haust eru með stórum tónlistarmönnum á borð við Childish Gambino, Gavin Degraw og fleiri.

„Ljóst er því að vinsældir Aron Can á Íslandi hafa ekki farið framhjá frændum okkar í Danmörku og verður eflaust mikið fjör er Aron stígur á svið í Pumpehuset.

Aron Can hefur ekki setið auðum höndum síðustu misserin en samhliða því að leggja lokahönd á plötu sem er væntanleg núna í haust hefur hann einnig vakið athygli með strákasveitinni Iceguys og er í þessum töluðu orðum staddur við upptökur á seríu tvö af Iceguys þáttunum.“

Miðasala á tónleikana hefst föstudaginn 30.ágúst á danskri síðu Ticketmaster hér.