Tilboð berast í eignir þrotabúsins: „Alltaf með símann opinn ef menn hafa áhuga“ Elín Margrét Böðvarsdóttir skrifar 28. ágúst 2024 21:57 Frá athafnasvæði Skagans 3X á Akranesi. Vísir/Arnar Borist hafa nokkur tilboð í ýmsar eignir þrotabús Skagans 3X á Akranesi sem verið er að yfirfara og bera saman. Ekkert nýtt tilboð hefur borist í allar eignir þrotabúsins í heilu lagi síðan ljóst varð að slíkt tilboð sem var til skoðunar næði ekki fram að ganga. Skiptastjóri segir fasteignirnar sem hýst hafi starfsemi fyrirtækisins vera þrotabúinu óviðkomandi þótt þær hafi verið forsenda í tilboðinu sem ekki varð að veruleika. Skaginn 3X, hátæknifyrirtæki sem framleiddi tæki til matvælaframleiðslu, varð gjaldþrota og öllum 128 starfsmönnum þess sagt upp í byrjun júlí. Skömmu eftir gjaldþrotið barst tilboð allar í eignir þess sem var háð ýmsum skilyrðum, þar á meðal kaupum á fasteignum sem þrotabúið átti ekki. Fram kom svo í fréttum um miðjan ágúst að ekki hafi tekist að ganga að því tilboði og því væri nú stefnt að því að selja eignir þrotabúsins í bútum. „Það eru komin tilboð í ýmislegt dót og við erum að bera tilboðin saman og sjá hvað skarast og svona,“ segir Helgi Jóhannesson skiptastjóri þrotabúsins í samtali við Vísi. „Ég auðvitað hlusta á öll tilboð en ég er ekki kominn með neitt annað á borðið núna heldur en tilboð í hluta af þessu og það er þónokkur áhugi á því. En þetta er dálítið flókið því margir hafa áhuga á því sama þannig það þarf að bera svolítið saman tilboðin,“ segir Helgi. Um er að ræða tilboð í eignir á borð við ýmis tæki og tól, en þrotabúið sjálft á engar fasteignir. Fasteignirnar „grundvallarforsenda“ í tilboðinu en úr höndum skipastjóra Þegar að í ljós kom að fyrrnefnt tilboð í allar eignir næði ekki fram að ganga gagnrýndi formaður Verkalýðsfélags Akraness fyrrum eigendur Skagans 3X, sem enn eiga fasteignirnar í gegnum félagið Grenjar ehf., sem hann sagði standa í vegi fyrir því að ekki hafi tekist að endurreisa fyrirtækið. Við þessum ummælum brást eigandi fasteignanna, Grenjar ehf., illa og sendi frá sér yfirlýsingu þar sem meðal annars segir að Grenjar ehf. hafi ekki fengið að taka þátt í viðræðum við skiptastjóra vegna fasteigna sinna, né við þá fjárfestahópa sem hafi sýnt endurreisn Skagans 3X áhuga. „Ég sá að í tilboðinu var forsenda af hálfu tilboðsgjafans, því tilboði sem þá var, að hann fengi yfirráð yfir fasteignunum. Og það var eitthvað sem var ekkert á mínu borði vegna þess að það eru eigendur fasteignarinnar og bankinn sem á veðin sem að ákveða það. Þannig að um leið og ég frétti það að það hafi ekki gengið saman með þeim þá var ljóst að ég þyrfti að hafna tilboðinu þar sem þessi grundvallarforsenda, ég náði ekkert að efna hana,“ segir Helgi inntur eftir viðbrögðum við yfirlýsingunni. „Ég skildi ekki almennilega af hverju þessi yfirlýsing hljóðaði eins og þrotabúið kæmi þessu eitthvað við,“ segir Helgi. „Það er eitthvað sem var á milli fasteignareigandans og bankans, öll samskipti. Þrotabúið á ekki þessar eignir og þess vegna átti ég ekkert erindi á þeim fundum.“ Fasteignirnar séu að því leytinu til þrotabúinu óviðkomandi. „Ekki nema það að þetta tilboð í eignirnar sem ég er að stýra var tengt þessum fasteignum og það var sem sagt breyta eða púsluspil sem ég réð ekki við,“ bætir Helgi við. Hann hafi þá ekki átt annan kost en að upplýsa tilboðsgjafann um að þetta hafi ekki gengið eftir. Þætti heillvænlegast að selja í heilu lagi Þótt eins og staðan er akkúrat núna sé ekki útlit fyrir að takist að selja allar eignir þrotabúsins í heilu lagi er Helgi enn þeirrar skoðunar að það væri ákjósanlegast ef það væri hægt. „En ég er alltaf með símann opinn ef menn hafa áhuga,“ segir Helgi. „Þetta var reynt um daginn og það væri best að þetta seldist í heilu lagi. Það væri augljóslega best fyrir alla aðila, bæði fyrir Akranes, fyrir þrotabúið því það er miklu minni kostnaður að selja þetta í heilu lagi heldur en í bútum og væri einhvern veginn miklu heilbrigðari lending. En það auðvitað er forsenda að einhver sé tilbúinn að borga og kaupa.“ Akranes Gjaldþrot Gjaldþrot Skagans 3X Mest lesið Samkaup segja upp tuttugu og tveimur Viðskipti innlent Vonast til að hefja slátrun árið 2028 Viðskipti innlent Öryggismyndavélar á grenndarstöðvum eigi að sporna við sóðaskap Viðskipti innlent Kalla inn geislavirka límmiða Neytendur Á von á fleiri fyrirtækjum í hópmálssókn gegn Booking.com Viðskipti innlent „Þarf lítið til að koma mér af stað í söng og stemningu“ Atvinnulíf Verðlagssæti Íslands enn eitt árið komi ekki á óvart Neytendur Milljónavirði af gini á víðavangi og búið til með íslensku veðri Atvinnulíf Á erfitt með að tapa fyrir eiginmanninum í skrafli Atvinnulíf Að leysa hratt og vel úr málum í stað þess að pirrast Atvinnulíf Fleiri fréttir Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað „Þetta var ekki gert til að flækja, alls ekki“ Gunnþór verður formaður SFS í stað Guðmundar Heilbrigðiseftirlitið varaði við breytingunum Hvernig get ég ávaxtað peninga barnanna minna sem best? Leita að einhverjum til að reka Kolaportið áfram á sama stað Efast um að veitingamenn óttist að styggja embættismenn Hrund nýr fjármálastjóri Íslandshótela Veitingamenn óttist að styggja embættismenn Regluverk setur langborðinu stólinn fyrir dyrnar Kvika segir hvorugt tilboð nægilega gott Keyptu Björgólf strax út úr Heimum Sjá meira
Skaginn 3X, hátæknifyrirtæki sem framleiddi tæki til matvælaframleiðslu, varð gjaldþrota og öllum 128 starfsmönnum þess sagt upp í byrjun júlí. Skömmu eftir gjaldþrotið barst tilboð allar í eignir þess sem var háð ýmsum skilyrðum, þar á meðal kaupum á fasteignum sem þrotabúið átti ekki. Fram kom svo í fréttum um miðjan ágúst að ekki hafi tekist að ganga að því tilboði og því væri nú stefnt að því að selja eignir þrotabúsins í bútum. „Það eru komin tilboð í ýmislegt dót og við erum að bera tilboðin saman og sjá hvað skarast og svona,“ segir Helgi Jóhannesson skiptastjóri þrotabúsins í samtali við Vísi. „Ég auðvitað hlusta á öll tilboð en ég er ekki kominn með neitt annað á borðið núna heldur en tilboð í hluta af þessu og það er þónokkur áhugi á því. En þetta er dálítið flókið því margir hafa áhuga á því sama þannig það þarf að bera svolítið saman tilboðin,“ segir Helgi. Um er að ræða tilboð í eignir á borð við ýmis tæki og tól, en þrotabúið sjálft á engar fasteignir. Fasteignirnar „grundvallarforsenda“ í tilboðinu en úr höndum skipastjóra Þegar að í ljós kom að fyrrnefnt tilboð í allar eignir næði ekki fram að ganga gagnrýndi formaður Verkalýðsfélags Akraness fyrrum eigendur Skagans 3X, sem enn eiga fasteignirnar í gegnum félagið Grenjar ehf., sem hann sagði standa í vegi fyrir því að ekki hafi tekist að endurreisa fyrirtækið. Við þessum ummælum brást eigandi fasteignanna, Grenjar ehf., illa og sendi frá sér yfirlýsingu þar sem meðal annars segir að Grenjar ehf. hafi ekki fengið að taka þátt í viðræðum við skiptastjóra vegna fasteigna sinna, né við þá fjárfestahópa sem hafi sýnt endurreisn Skagans 3X áhuga. „Ég sá að í tilboðinu var forsenda af hálfu tilboðsgjafans, því tilboði sem þá var, að hann fengi yfirráð yfir fasteignunum. Og það var eitthvað sem var ekkert á mínu borði vegna þess að það eru eigendur fasteignarinnar og bankinn sem á veðin sem að ákveða það. Þannig að um leið og ég frétti það að það hafi ekki gengið saman með þeim þá var ljóst að ég þyrfti að hafna tilboðinu þar sem þessi grundvallarforsenda, ég náði ekkert að efna hana,“ segir Helgi inntur eftir viðbrögðum við yfirlýsingunni. „Ég skildi ekki almennilega af hverju þessi yfirlýsing hljóðaði eins og þrotabúið kæmi þessu eitthvað við,“ segir Helgi. „Það er eitthvað sem var á milli fasteignareigandans og bankans, öll samskipti. Þrotabúið á ekki þessar eignir og þess vegna átti ég ekkert erindi á þeim fundum.“ Fasteignirnar séu að því leytinu til þrotabúinu óviðkomandi. „Ekki nema það að þetta tilboð í eignirnar sem ég er að stýra var tengt þessum fasteignum og það var sem sagt breyta eða púsluspil sem ég réð ekki við,“ bætir Helgi við. Hann hafi þá ekki átt annan kost en að upplýsa tilboðsgjafann um að þetta hafi ekki gengið eftir. Þætti heillvænlegast að selja í heilu lagi Þótt eins og staðan er akkúrat núna sé ekki útlit fyrir að takist að selja allar eignir þrotabúsins í heilu lagi er Helgi enn þeirrar skoðunar að það væri ákjósanlegast ef það væri hægt. „En ég er alltaf með símann opinn ef menn hafa áhuga,“ segir Helgi. „Þetta var reynt um daginn og það væri best að þetta seldist í heilu lagi. Það væri augljóslega best fyrir alla aðila, bæði fyrir Akranes, fyrir þrotabúið því það er miklu minni kostnaður að selja þetta í heilu lagi heldur en í bútum og væri einhvern veginn miklu heilbrigðari lending. En það auðvitað er forsenda að einhver sé tilbúinn að borga og kaupa.“
Akranes Gjaldþrot Gjaldþrot Skagans 3X Mest lesið Samkaup segja upp tuttugu og tveimur Viðskipti innlent Vonast til að hefja slátrun árið 2028 Viðskipti innlent Öryggismyndavélar á grenndarstöðvum eigi að sporna við sóðaskap Viðskipti innlent Kalla inn geislavirka límmiða Neytendur Á von á fleiri fyrirtækjum í hópmálssókn gegn Booking.com Viðskipti innlent „Þarf lítið til að koma mér af stað í söng og stemningu“ Atvinnulíf Verðlagssæti Íslands enn eitt árið komi ekki á óvart Neytendur Milljónavirði af gini á víðavangi og búið til með íslensku veðri Atvinnulíf Á erfitt með að tapa fyrir eiginmanninum í skrafli Atvinnulíf Að leysa hratt og vel úr málum í stað þess að pirrast Atvinnulíf Fleiri fréttir Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað „Þetta var ekki gert til að flækja, alls ekki“ Gunnþór verður formaður SFS í stað Guðmundar Heilbrigðiseftirlitið varaði við breytingunum Hvernig get ég ávaxtað peninga barnanna minna sem best? Leita að einhverjum til að reka Kolaportið áfram á sama stað Efast um að veitingamenn óttist að styggja embættismenn Hrund nýr fjármálastjóri Íslandshótela Veitingamenn óttist að styggja embættismenn Regluverk setur langborðinu stólinn fyrir dyrnar Kvika segir hvorugt tilboð nægilega gott Keyptu Björgólf strax út úr Heimum Sjá meira