Rán­dýr frum­sýning hjá LXS skvísum í Sjá­landi

Þættirnir hafa fyrir löngu stimplað sig inn sem einir skemmtilegustu raunveruleikaþættir landsins. Þar er LXS skvísunum þeim Sunnevu Einars, Birgittu Líf, Magneu Björg, Ástrósu Trausta og Ínu Maríu fylgt eftir og skiptast á skin og skúrir. 

Horfa má á stiklu úr þriðju seríunni hér fyrir neðan. 

Vinir og vandamenn flykktust í Sjáland síðastliðið fimmtudagskvöld til að bera fyrstu tvo þætti seríunnar augum. Afraksturinn sló í gegn en stúlkurnar skáluðu að sjálfsögðu fyrir öllu saman auk þess sem Arnar Már Eyfells framleiðandi þáttanna frá Ketchup Creative fór með tölu.