Ingunn Lára gengin út með Celebi

Ingunn Lára og Keli, eins og hann er kallaður hafa stungið saman nefjum undanfarið og virðist ástin blómstra á milli þeirra.

„Við hittumst á Kringlukránni. Ég var að fá mér að borða eftir vinnu á RÚV og Keli var að skoða staði fyrir mögulegt trúbb. Fórum að spjalla, reyndumst vera aðdáendur hvors annars, svo bara heilluðumst við af hvort öðru og reyndumst eiga margt sameiginlegt. Bæði miklir nördar og tónlistar- og menningarunnendur,“ segir Ingunn Lára um fyrstu kynni hennar og Kela.

Ingunn Lára er menntuð leikkona en starfar sem Tiktok fréttamaður á RÚV. Hún er fyrsti og eini íslenski fréttamaðurinn sem vinnur í fullu starfi við að búa til fréttaefni fyrir samfélagsmiðla.

Keli er meðlimur hljómsveitarinnar Celebs sem er skipuð systkinum frá Suðureyri. Celebs vaktu mikla athygli í Söngvakeppninni í fyrra með laginu Doomsday Dancing (Dómsdags Dans).

Nýverið gaf hann út sína fyrstu sólóplötu, Ást og Keli.