Úlfur Þór til Firma lög­manna

Í tilkynningu kemur fram að Úlfur sé með meistaragráðu í lögfræði frá Háskóla Íslands og málflutningsréttindi fyrir héraðsdómstólum. 

„Hann starfaði áður hjá SL lífeyrissjóði frá árinu 2017 en þar áður starfaði hann hjá Landsbankanum. Sérsvið Úlfs eru á sviði samninga- og kröfuréttar, löggjöf er varðar fjármálamarkaði og lífeyrissjóði, eignaréttur og stjórnsýsluréttur.

Samhliða störfum sínum hjá FIRMA situr Úlfur í happdrættisráðum Happdrættis Háskóla Íslands og Happdrættis SÍBS.

Sambýliskona Úlfs er Stefanía Ásbjörnsdóttir, hagfræðingur og framkvæmdastjóri þingflokks Sjálfstæðisflokksins,“ segir í tilkynningunni.