Bannað að hlæja: Stressið alls­ráðandi í upp­hafi kvöldsins

„Í svona óþægilegum aðstæðum sem geta myndast þá byrja ég bara í geðshræringarhlátri,“ segir útvarpsmaðurinn Rikki G sem er einn gesta hjá Audda ásamt Sveppa, Jóa, Júlíönu Söru og Hildi Völu í fyrsta þætti. Þátturinn er frumsýndur í kvöld en Auddi hefur áður tekið fram að þetta er alls ekki fjölskylduþáttur. Hér fyrir neðan má sjá stiklu úr þættinum.

Í fyrsta þætti ræðir Auddi fyrst við gestina og spyr þau spjörunum úr, fyrir hverju þau eru stressuðust fyrir og meðal annars hvaða gesti þau eru síst smeykust við. Þá byrja gestirnir á forrétti og þar berst talið meðal annars að bókaklúbbum en þá eru hlutirnir fljótir að fara úr böndunum. 

Hér fyrir neðan má sjá brot úr þættinum en hann hefst á Stöð 2 klukkan 20:30 í kvöld.