Fær Úlfaleikinn til bjarga starfinu

West Ham tapaði fyrir Leicester City, 3-1, á þriðjudaginn og situr í 14. sæti ensku úrvalsdeildarinnar með aðeins fimmtán stig eftir fjórtán leiki.

Lopetegui tók við West Ham af David Moyes fyrir tímabilið en Spánverjinn þykir sitja í ansi heitu sæti.

Enskir fjölmiðlar greina þó frá því að hann verði ekki látinn fara fyrir leikinn mikilvæga gegn Wolves á mánudaginn. Úlfarnir eru í nítjánda og næstneðsta sæti deildarinnar og talið er að starf stjóra þeirra, Garys O'Neil hangi á bláþræði.

Meðal stjóra sem hafa verið orðaðir við starfið hjá West Ham má nefna Sergio Conceicao og Graham Potter.