Enn eitt tapið og Martin í minna hlut­verki en vana­lega

Alba Berlin er í neðsta sæti EuroLeague með aðeins þrjá sigra í sextán leikjum. Auk þess hefur liðinu ekki gengið vel heima fyrir, situr í fjórtanda sæti af sautján í deildinni og féll úr leik í bikarkeppninni á dögunum.

Martin Hermannsson hafði verið lykilmaður frá því hann sneri aftur til félagsins í janúar en undanfarna tvo leiki í EuroLeague hefur hann þurft að sætta sig við minna hlutverk.

Martin spilaði aðeins fimmtán mínútur í kvöld og sautján mínútur síðast en hafði að meðaltali spilað um 25 mínútur í leik.

Hann er vissulega að stíga upp úr meiðslum, sem héldu honum frá keppni í heilan mánuð í nóvember, en spilaði samt sínar vanalegu 25 mínútur í fyrstu tveimur leikjunum eftir að hann sneri til baka. Ástæðan fyrir aukinni bekkjarsetu er því ólíklega annað en ákvörðun þjálfarans.