Bein útsending: Nýársbingó Blökastsins

Oddur Ævar Gunnarsson skrifar 1. janúar 2025 11:00

Það býður enginn upp á meiri skemmtun og meiri spennu á nýársdag heldur en strákarnir í Blökastinu.

Nýársbingó Blökastsins fer fram í beinni útsendingu á Vísi og sjónvarpsstöðinni Stöð 2 Vísi klukkan 15:00 í dag nýársdag. Vinningarnir eru risa stórir og strákarnir lofa stuði og stemningu á degi þar sem hingað til hefur aldrei verið neitt að gera.

Þetta er í annað skipti sem þríeykið heldur bingó á nýársdag. Horfa má á útsendinguna í beinni hér fyrir neðan en til að taka þátt þarf að vera áskrifandi að Blökastinu líkt og útskýrt er betur neðar í fréttinni.

„Það hefur alltaf vantað eitthvað að gera á nýársdag, allt lokað og allir heima. Nú getur fólk hent sér í sófann á nýju ári og spilað bingó! Þetta er stemnings-bingó, við erum í gír og vonandi áhorfendur líka, ég sé það allavega fyrir mér þegar fólk fær bingó að það standi upp í sófanum og öskri BINGÓ,“ segir Steindi jr.

Stórglæsilegir vinningar

150.000 kr. inneign frá Nettó í Nettó-appinu
100.000 kr. gjafabréf frá PLAY
Playstation 5 pro
Árskort í Lúxus-salinn frá Sambíóunum
Úlpa frá 66° Norður
Gjafabréf frá Hótel Selfoss
Ársbirgðir af Lite bjór eða Pepsi Max frá Ölgerðinni
Heilsupakki sem inniheldur árskort í Sporthúsið, 50.000 kr. Gjafabréf í Fitness Sport & árskort í appþjálfun hjá Fjarþjálfun.is
Ársbirgðir af Happy Hydrate
Ársáskrift af Stöð 2+
Rúm frá Dorma

Svona tekurðu þátt

Allir geta horft á útsendinguna en til þess að fá bingóspjöld þarf að gerast áskrifandi að hlaðvarpi þeirra félaga, Blökastinu. Það er gert með því að fara á fm95blo.is, gerast áskrifandi og smella svo á rauða bingótakkann sem birtist efst á síðunni 27. desember.

Áskrifendur Blökastsins skrá sig inn á fm95blö.is, smella á "SÆKJA BINGÓ SPJÖLD" takkann sem fer með þá á hlekk þar sem þeir geta sótt sér þrjú spjöld. Þeir sem vilja taka þátt fara á hlekkinn, skrifa fullt nafn og slá inn símanúmer. Síðan skrá þeir sig inn með tölunum sem sendar eru með smáskilaboðum í það símanúmer. Þá eru spjöldin orðin virk.

Athugið að spjöldum er úthlutað á símanúmer, hægt er að skrá sama símanúmer í fleiri en eitt tæki en þá koma sömu spjöld. Tækin muna eftir innskráningunni þannig að hægt er að fara af síðunni og koma aftur. Hægt er að sækja spjöld með öllum símanúmerum.

Ýttu á Bingó-takkann

Síðan er um að gera að fylgjast vandlega með því þegar strákarnir draga út tölurnar. Ef þú skyldir fá bingó áttu að ýta á Bingó-takkann neðst á spjaldinu um leið. Ef þú ert í stuði er gott að gera eins og Steindi segir, standa upp í sófanum og kalla „BINGÓ!“

Eins og áður sagði má finna nánari upplýsingar á vef Tals hér á Vísi.

FM95BLÖ