Greiða atkvæði um tillögu Kristrúnar um „flottan einstakling“ Kolbeinn Tumi Daðason skrifar 2. janúar 2025 11:56 Kristrún Frostadóttir fór nýjar leiðir og tók upp nýársávarp forsætisráðherra á RÚV þann 30. desember. Fyrir vikið var hún mætt á réttum tíma í Kryddsíld Stöðvar 2 á gamlársdag, breyting sem Sigmundur Davíð Gunnlaugsson formaður Miðflokks fannst magnað að hún hefði fengið í gegn. vísir/hulda margrét Kristrún Frostadóttir, formaður Samfylkingarinnar, segist vera búin að ákveða sig hvaða „flotti einstaklingur“ verði formaður þingflokksins. Hins vegar eigi eftir að greiða um það atkvæði á þingflokksfundi. „Ég er búin að ákveða mig en það á eftir að kjósa um þetta á þingflokksfundi í Samfylkingunni. Og við höfum þann vana á að við ræðum við okkar þingflokka þegar kemur að svona hlutum. Það er alveg búið að ganga frá þessu. Svo þarf að manna stjórnina. Það verður bara flottur einstaklingur þarna,“ sagði Kristrún í Kryddsíld Stöðvar 2. Andrés Jónsson almannatengill, sem hefur þótt þekkja vel til innan Samfylkingarinnar eftir störf fyrir flokkinn á árum áður meðal annars sem formaður Ungra jafnaðarmanna, sagði í hlaðvarpinu Bakherberginu að hann hefði heimildir fyrir því að Degi B. Eggertssyni hefði verið lofuð staðan gegn því að fallast á annað sæti á lista flokksins í borginni en ekki það fyrsta. Vandræðalegu skilaboðin Í aðdraganda kosninga benti Kristrúnu líklegum kjósanda flokksins í Grafarvogi á að hann gæti strikað Dag út af lista flokksins ef hann hefði eitthvað á móti Degi. Ábendingin var hluti af löngu svari Kristrúnar til viðkomandi í textaskilaboðum sem voru birt í heild sinni. Dagur B. Eggertsson fyrrverandi borgarstjóri og nýr þingmaður Samfylkingarinnar. Stöð 2/Einar Kristrún sagðist í Samtalinu með Heimi Má í lok október hafa beðið Dag afsökunar á skilaboðunum þar sem Dagur var nefndur aukaleikari og ekki ráðherraefni flokksins. „Ég held að í þessu samhengi sé allt í lagi að viðurkenna það að mér varð á í þessu. Við höfum átt mjög góð samskipti ég og Dagur. Mér finnst skipta rosalega miklu máli að það komi fram að það stóð aldrei til að reyna að láta hann líta illa út með svona skilaboðum," sagði Kristrún í Samtalinu með Heimi Má. Andrés sagðist telja Kristrúnu í nokkrum vandræðum vegna þess fjölda kjósenda Samfylkingarinnar í Reykjavík sem strikuðu yfir nafn Dags í kosningunum, svo margir að Dagur færðist niður um sæti á lista flokksins. Þingflokksformenn eru oftar en ekki valdir úr hópi þingmanna með reynslu af þingstörfum. Af þingmönnum Samfylkingarinnar sem ekki urðu ráðherrar er reynsla á þingi afar lítil. Dagbjört Hákonardóttir líklega sú reynslumesta eftir varaþingmennsku árið 2022 en hún tók svo sæti á þingi árið 2023. Dagur hefur langmesta reynslu af stjórnmálum þó það sé á sveitastjórnarstiginu. Sjálfur nefndi Andrés Guðmund Ara Sigurjónsson sem líklegastan til að hreppa stöðuna. Guðmundur hefur verið í bæjarstjórninni á Seltjarnarnesi en söðlaði um og náði sæti á þingi fyrir flokkinn í Kraganum. Reynsluleysi kostur og galli „Það er alveg rétt. Það er kosturinn og gallinn við endurnýjun. Það koma nýir einstaklingar inn. En það eru fullt af hæfu fólki sem getur gegnt þessari stöðu hjá Samfylkingunni. Þetta er auðvitað eitthvað sem fólk lærir. Það er margt klárt fólk sem getur lært þetta hratt,“ sagði Kristrún. Kristrún Frostadóttir formaður Samfylkingarinnar og Dagbjört Hákonardóttir þingmaður flokksins við setningu Alþingis.Vísir/Vilhelm „Þetta er ekkert risaleyndarmál. Þetta er bara praktískt atriði. Það á eftir að halda þingflokksfund.“ Það hafi bara ekki gefist tími til að ræða málið. Hún stefni á samtöl við þingflokkinn í lok vikunnar og hún virði ferli Samfylkingarinnar um að greiða atkvæði um stöðuna. Óháð öllu fari þau Dagur brosandi saman inn í nýtt ár. „Auðvitað gerum við það, engin spurning. Hann kemur með mikilvæga og dýrmæta reynslu inn. Hefur lagt sig allan fram við að styðja við þetta verkefni. Þetta er líka ný vegferð fyrir hann. Hann kemur með reynslu úr borgarmálunum. Það er öðruvísi að vera á sveitarstjórnarstigi. Fullt af fólki sem kemur þaðan og upplifir ákveðnar nýjungar í þinginu. Ég hlakka bara til að sjá hvað hann gerir og fleira frábært fólk í þinginu.“ Kryddsíldina í heild má sjá að neðan. Samfylkingin Kryddsíld Mest lesið „Þeir liggja hérna eins og hráviði út um allt“ Innlent Náðist á upptöku þegar skipulagðir þjófar tóku sjóðsvél Innlent „Þetta er orðið pínu þreytt, tveir bílar á sex dögum“ Innlent Tveir handteknir vegna líkamsárásar Innlent Mannskæðasta árásin á Húta hingað til Erlent Við Íslendingar fórum bara á vertíð og drifum þetta af Innlent Uggandi vegna atlögu að háskólum: „Við ætlum ekki að lifa í ótta“ Erlent Gamall ráðherra vildi nýtt hús, en nýr ráðherra gæti fengið gamalt hús Innlent Bað fyrir friðsamlegum kosningum meðan hann hékk á krossinum Erlent „Rosalega erfitt“ að keppa við innflutt grænmeti Innlent Fleiri fréttir „Þeir liggja hérna eins og hráviði út um allt“ Tveir handteknir vegna líkamsárásar Við Íslendingar fórum bara á vertíð og drifum þetta af Náðist á upptöku þegar skipulagðir þjófar tóku sjóðsvél „Rosalega erfitt“ að keppa við innflutt grænmeti Stígvél og tækniframfarir Hótanir gegn háskólum og krossfestingar Gamall ráðherra vildi nýtt hús, en nýr ráðherra gæti fengið gamalt hús „Þetta er orðið pínu þreytt, tveir bílar á sex dögum“ „Ágæt ábending“ um bótaþega en tekur ekki undir allar athugasemdir fjármálaráðs Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Sjá meira
„Ég er búin að ákveða mig en það á eftir að kjósa um þetta á þingflokksfundi í Samfylkingunni. Og við höfum þann vana á að við ræðum við okkar þingflokka þegar kemur að svona hlutum. Það er alveg búið að ganga frá þessu. Svo þarf að manna stjórnina. Það verður bara flottur einstaklingur þarna,“ sagði Kristrún í Kryddsíld Stöðvar 2. Andrés Jónsson almannatengill, sem hefur þótt þekkja vel til innan Samfylkingarinnar eftir störf fyrir flokkinn á árum áður meðal annars sem formaður Ungra jafnaðarmanna, sagði í hlaðvarpinu Bakherberginu að hann hefði heimildir fyrir því að Degi B. Eggertssyni hefði verið lofuð staðan gegn því að fallast á annað sæti á lista flokksins í borginni en ekki það fyrsta. Vandræðalegu skilaboðin Í aðdraganda kosninga benti Kristrúnu líklegum kjósanda flokksins í Grafarvogi á að hann gæti strikað Dag út af lista flokksins ef hann hefði eitthvað á móti Degi. Ábendingin var hluti af löngu svari Kristrúnar til viðkomandi í textaskilaboðum sem voru birt í heild sinni. Dagur B. Eggertsson fyrrverandi borgarstjóri og nýr þingmaður Samfylkingarinnar. Stöð 2/Einar Kristrún sagðist í Samtalinu með Heimi Má í lok október hafa beðið Dag afsökunar á skilaboðunum þar sem Dagur var nefndur aukaleikari og ekki ráðherraefni flokksins. „Ég held að í þessu samhengi sé allt í lagi að viðurkenna það að mér varð á í þessu. Við höfum átt mjög góð samskipti ég og Dagur. Mér finnst skipta rosalega miklu máli að það komi fram að það stóð aldrei til að reyna að láta hann líta illa út með svona skilaboðum," sagði Kristrún í Samtalinu með Heimi Má. Andrés sagðist telja Kristrúnu í nokkrum vandræðum vegna þess fjölda kjósenda Samfylkingarinnar í Reykjavík sem strikuðu yfir nafn Dags í kosningunum, svo margir að Dagur færðist niður um sæti á lista flokksins. Þingflokksformenn eru oftar en ekki valdir úr hópi þingmanna með reynslu af þingstörfum. Af þingmönnum Samfylkingarinnar sem ekki urðu ráðherrar er reynsla á þingi afar lítil. Dagbjört Hákonardóttir líklega sú reynslumesta eftir varaþingmennsku árið 2022 en hún tók svo sæti á þingi árið 2023. Dagur hefur langmesta reynslu af stjórnmálum þó það sé á sveitastjórnarstiginu. Sjálfur nefndi Andrés Guðmund Ara Sigurjónsson sem líklegastan til að hreppa stöðuna. Guðmundur hefur verið í bæjarstjórninni á Seltjarnarnesi en söðlaði um og náði sæti á þingi fyrir flokkinn í Kraganum. Reynsluleysi kostur og galli „Það er alveg rétt. Það er kosturinn og gallinn við endurnýjun. Það koma nýir einstaklingar inn. En það eru fullt af hæfu fólki sem getur gegnt þessari stöðu hjá Samfylkingunni. Þetta er auðvitað eitthvað sem fólk lærir. Það er margt klárt fólk sem getur lært þetta hratt,“ sagði Kristrún. Kristrún Frostadóttir formaður Samfylkingarinnar og Dagbjört Hákonardóttir þingmaður flokksins við setningu Alþingis.Vísir/Vilhelm „Þetta er ekkert risaleyndarmál. Þetta er bara praktískt atriði. Það á eftir að halda þingflokksfund.“ Það hafi bara ekki gefist tími til að ræða málið. Hún stefni á samtöl við þingflokkinn í lok vikunnar og hún virði ferli Samfylkingarinnar um að greiða atkvæði um stöðuna. Óháð öllu fari þau Dagur brosandi saman inn í nýtt ár. „Auðvitað gerum við það, engin spurning. Hann kemur með mikilvæga og dýrmæta reynslu inn. Hefur lagt sig allan fram við að styðja við þetta verkefni. Þetta er líka ný vegferð fyrir hann. Hann kemur með reynslu úr borgarmálunum. Það er öðruvísi að vera á sveitarstjórnarstigi. Fullt af fólki sem kemur þaðan og upplifir ákveðnar nýjungar í þinginu. Ég hlakka bara til að sjá hvað hann gerir og fleira frábært fólk í þinginu.“ Kryddsíldina í heild má sjá að neðan.
Samfylkingin Kryddsíld Mest lesið „Þeir liggja hérna eins og hráviði út um allt“ Innlent Náðist á upptöku þegar skipulagðir þjófar tóku sjóðsvél Innlent „Þetta er orðið pínu þreytt, tveir bílar á sex dögum“ Innlent Tveir handteknir vegna líkamsárásar Innlent Mannskæðasta árásin á Húta hingað til Erlent Við Íslendingar fórum bara á vertíð og drifum þetta af Innlent Uggandi vegna atlögu að háskólum: „Við ætlum ekki að lifa í ótta“ Erlent Gamall ráðherra vildi nýtt hús, en nýr ráðherra gæti fengið gamalt hús Innlent Bað fyrir friðsamlegum kosningum meðan hann hékk á krossinum Erlent „Rosalega erfitt“ að keppa við innflutt grænmeti Innlent Fleiri fréttir „Þeir liggja hérna eins og hráviði út um allt“ Tveir handteknir vegna líkamsárásar Við Íslendingar fórum bara á vertíð og drifum þetta af Náðist á upptöku þegar skipulagðir þjófar tóku sjóðsvél „Rosalega erfitt“ að keppa við innflutt grænmeti Stígvél og tækniframfarir Hótanir gegn háskólum og krossfestingar Gamall ráðherra vildi nýtt hús, en nýr ráðherra gæti fengið gamalt hús „Þetta er orðið pínu þreytt, tveir bílar á sex dögum“ „Ágæt ábending“ um bótaþega en tekur ekki undir allar athugasemdir fjármálaráðs Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Sjá meira