Oliver dæmir um helgina þrátt fyrir morð­hótanir

Oliver og fjölskyldu hans hafa borist morðhótanir eftir leikinn á laugardaginn. Í fyrri hálfleik gaf Oliver Lewis-Skelly afar umdeilt rautt spjald og eftir það var fjandinn laus.

Ensku dómarasamtökin höfðu samband við lögregluna eftir Oliver bárust hótanir og málið er núna til rannsóknar.

Fyrrverandi formaður ensku dómarasamtakanna, Keith Hackett, sagði að Oliver ætti ef til vill ekki að dæma næstu vikurnar vegna málsins.

En Oliver sjálfur vill ólmur dæma og nú er búið að úthluta honum nýliðaslag Ipswich Town og Southampton á sunnudaginn.

Hann mun einnig dæma grannaslag Everton og Liverpool 12. febrúar. Leikurinn átti að fara fram í desember en var frestað vegna stormsins Darragh.