Viðskipti innlent

Vogunarsjóðurinn selur sig út úr Skel fyrir tvo milljarða

Árni Sæberg skrifar
Jón Ásgeir Jóhannesson er stjórnarformaður Skeljar.
Jón Ásgeir Jóhannesson er stjórnarformaður Skeljar. Vísir/Vilhelm

Bandaríski vogunarsjóðurinn Taconic Capital, sem var stærsti hluthafi Arion banka um nokkurt skeið, hefur selt allan 5,2 prósenta hlut sinn í Skel fjárfestingafélagi. Söluverðið er rúmir tveir milljarðar.

Þetta kemur fram í flöggunartilkynningu til Kauphallar. Miðað við gengi Skeljar í dag er söluverðið 2,01 milljarðar króna.

Félagið keypti hlutinn árið 2022 á 1,4 milljarða króna og varð fjórði stærsti eigandi Skeljar.

Taconic Capital var á meðal þeirra fjárfesta og fjármálastofnana sem komu að fjármögnun á skuldsettri yfirtöku félagsins Strengs, sem hjónin Ingibjörg Pálmadóttur og Jón Ásgeir Jóhannesson og Sigurður Bollason fara meðal annars fyrir, á Skeljungi í ársbyrjun 2021, samkvæmt heimildum Innherja á sínum tíma.

Skel fjárfestingafélag Kaup og sala fyrirtækja


Mest lesið


Fleiri fréttir

Sjá meira


×

Mest lesið