Tom Cruise og Ana de Armas sögð stinga saman nefjum

Breskir miðlar gripu þau glóðvolg stíga saman út af veitingastað í Lundúnum en heimildum kemur ekki saman um hvort það hafi verið á föstudaginn, sjálfan Valentínusardaginn, eða fimmtudaginn.

Mannmergð hafði myndast fyrir utan veitingastaðinn þegar þau stigu út, aðdáendur og fjölmiðlamenn í bland, og tók parið að sögn vel í hann. 

Þau gáfu sér tíma til að ræða við aðdáendur og sitja fyrir myndum. Þau héldu hvort á sínum afgangapokanum og stigu saman inn í einn af hinum einkennandi svörtu leigubílum Lundúnaborgar.

Tom Cruise komst síðast í slúðurmiðlana þegar fréttir bárust af því að hann og hin rússneska Elsina Khayrova væru að stinga saman nefjum. Heimildir Page 6 herma að slitnað hafi upp úr þeirra á milli vegna þess að Cruise fannst sambandið þróast of hratt.

Hin 36 ára Ana de Armas var síðast bendluð við Manuel Anido Cuesta, stjúpson forseta Kúbu.