Aldrei fór ég suður í endurbættri útgáfu

Svava Marín Óskarsdóttir skrifar 18. mars 2025 13:31

Aldrei fór ég suður fagnaði tuttugu árum um páskana í fyrra.

Tónlistarhátíðin Aldrei fór ég suður fagnaði tuttugu ára afmæli sínu á páskunum í fyrra. Fyrsta hátíðin var haldin í bríaríi í sushiverksmiðju á Ísafirði árið 2004, þar sem hátíðarhaldarar höfðu ekki miklar áætlanir og settu upp tjöld til einnar nætur. Nú er hátíðin hins vegar orðin fjölskylduvæn tónlistarveisla og er að hefja sinn þriðja áratug með endurbættri ásýnd.

Aldrei tilkynnti þá listamenn sem koma fram í Kampa-skemmunni við Aldrei fór ég suður götu á Ísafirði á föstudaginn langa- og laugardagskvöldinu fyrir páska. Dagskráin er blanda af vestfirsku tónlistarfólki og landsþekktum stjörnum. Margir gestir Aldrei fór ég suður ættu að þekkja nöfnin, þar sem flest þeirra hafa komið fram á fyrri hátíðum. Nokkrar hljómsveitir koma þó fram í fyrsta sinn.

Stórstjörnur og nýstirni

Írafár þarf ekki að kynna, en hún skartar einni stærstu poppstjörnu sinnar kynslóðar, Birgittu Haukdal. Írafár kom fram á Aldrei árið 2005, rétt eins og hljómsveitin Reykjavík!, sem heldur upp á tuttugu ára Aldrei-afmæli sitt. Reykjavík! er samvinnuverkefni tónlistarmanna frá Ísafirði og Reyðarfirði og kemur nú fram eftir margra ára hlé.

Apparat Organ Quartet kemur loks fram á hátíðinni, auk harðkjarnasveitarinnar Múr, sem var valin Bjartasta vonin á Íslensku tónlistarverðlaununum nýlega. Amor Vincit Omnia kemur einnig fram á hátíðinni í fyrsta sinn.

Salóme Katrín og Gosi, sem eru bæði ísfirskar stjörnur, hafa síðastliðin ár ljómað á tónlistarsenunni og koma nú fram í fantaformi með sínu besta fólki. FM Belfast, sem kom fyrst fram á Aldrei árið 2007 og síðast 2023, verður aftur á hátíðinni, og Una Torfa, sem kom einnig fyrst fram árið 2023, er komin langt síðan þá. Loksins, eftir langan tíma, koma þeir JóiPé og Króli aftur á hátíðina eftir að hafa tryllt lýðinn 2019.

Tónlistarveisla fyrir vestan

Aldrei fór ég suður er áhugamannafélag um tónlistarmenningu á Ísafirði, er ekki hagnaðardrifið félag að neinu leyti, skipað eingöngu sjálfboðaliðum og býður nú eins og alla tíð upp á þessa tónlistarveislu þar sem frítt er inn fyrir gesti.

Aldrei fór ég suður gerði samstarfssamning við Ísafjarðarbæ fyrr á árinu, og með stuðningi bæjarins og helstu bakhjörlum hátíðarinnar, sem hafa staðið með henni í mörg ár, er hátíðin orðin að veruleika. Þetta gerir Ísafjarðarbæ að einum af spennandi áfangastöðum á páskunum. Hátíðinni verður útvarpað og sjónvarpað í beinni útsendingu báða dagana á Rás 2 og RÚV 2.

Tónlist Tónleikar á Íslandi Ísafjarðarbær Aldrei fór ég suður