Formúla 1

„Það er al­gjört kjaft­æði“

Aron Guðmundsson skrifar
Engan bilbug er á Lewis Hamilton að finna.
Engan bilbug er á Lewis Hamilton að finna. getty/Mario Renzi

Sjöfaldi Formúlu 1 heimsmeistarinn Lewis Hamilton segir það algjört kjaftæði að hann sé búinn að missa trúnna á liði Ferrari á yfirstandandi tímabili eftir brösótta byrjun.

Segja má að eftir sigur Hamilton, sem skipti yfir til Ferrari fyrir tímabilið, í sprettkeppninni um síðustu keppnishelgi í Kína hafi hlutirnir tekið stefnu til hins verra hjá ítalska risanum þar sem að báðir bílar liðsins voru dæmdir ólöglegir í sjálfri aðalkeppninni.

Hamilton segir, í aðdraganda komandi keppnishelgar í Japan að hann finni ekki fyrir pirringi í kjölfar þess sem átti sér stað i Kína. Tíminn milli keppnishelga hafi farið í að vinna að framförum með liðinu.

„Auðvitað er þetta ekki það sem stefnt var að. Liðið leggur ekki alla vinnuna í þetta til þess eins að finna sig svo í þessari stöðu,“ sagði Hamilton í viðtali fyrir keppnishelgina í Japan.

„Ég sá að einhver sagði að ég hefði misst trúnna á liðinu, það er algjört kjaftæði. Ég hef fulla trú á þessu liði.“




Fleiri fréttir

Sjá meira


×