Lífið

Matti Matt nú meistari

Svava Marín Óskarsdóttir skrifar
Matti Matt er maður margra hatta.
Matti Matt er maður margra hatta.

Tónlistarmaðurinn og Dalvíkingurinn Matthías Matthíasson, betur þekktur sem Matti Matt, útskrifaðist nýverið sem húsasmíðameistari. Matthías greindi frá tímamótunum í færslu á Facebook þar sem hann lýsir yfir stolti að hafa klárað nám eftir rúmlega 30 ára hlé.

Matthías þarf vart að kynna. Með sterka rödd og sjarmerandi sviðsframkomu hefur hann stimplað sig inn í íslenska tónlistarsenuna síðastliðna áratugi, bæði með hljómsveitunum Pöpum og Reggae on Ice, auk þess sem hann hefur komið fram á fjölmörgum tónleikasýningum.

„Skrýtið að fara í skóla eftir 30 ára hlé, en ég held að það sé alltaf gott að stíga útfyrir þægindarammann og setja sér ný markmið, prófa nýja hluti og láta reyna á seigluna,“ skrifaði Matthías við færsluna.

Á námsleiðinni eignaðist hann nýja vini og kynntist skemmtilegu fólki, bæði samnemendum og kennurum. Sérstakar þakkir fær Brynja, eiginkona hans, sem hann segir hafa ýtt sér áfram og haft mikil áhrif á að hann náði að klára námið.

„Nú getið þið réttilega kallað mig meistara,“ skrifar hann.






Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.