Bruno ætlar ekki að sækja seðlana í Sádi-Arabíu

Sky Sports greinir frá því að leikmaðurinn hafi hafnað tilboðinu, hann telji sig eiga nóg eftir á hæsta getustigi fótboltans í Evrópu.

Al-Hilal er sagt hafa lagt fram hundrað milljóna punda tilboð til Manchester United og jafnframt boðið Bruno Fernandes 750 þúsund pund á viku, sem er þrefalt meira en hann fær vanalega útborgað.

Manchester United er sagt hafa viljað halda leikmanninum, sem er með samning til 2027, en hefði ekki komið í veg fyrir hundrað milljóna sölu ef hann vildi fara.

Bruno Fernandes er fyrirliði og hefur verið einn mikilvægasti leikmaður Manchester United um árabil. Á síðasta tímabili skoraði hann 19 mörk og gaf 19 stoðsendingar í 57 leikjum í öllum keppnum.

Ákvörðun Bruno að vera áfram hjá Manchester United er ekki sögð hafa áhrif á kaup félagsins á Bryan Mbuemo, leikmanni Brentford, enn verði sóst á eftir honum.