Tímamótasamningar í íslensku sjónvarpi

Stöð 2 Sport 10. júní 2025 08:41

Við undirritun samninga um kostun Enska boltans. Frá vinstri: Heiðar Valur Bergmann viðskiptastjóri hjá Sýn, Kjartan Atli Kjartansson íþróttafréttamaður hjá Sýn, Sigurður Reynaldsson framkvæmdastjóri Hagkaup, Eiríkur Stefán Ásgeirsson forstöðumaður íþrótta hjá Sýn, Ragnhildur Guðmundsdóttir forstöðumaður auglýsingadeildar Sýnar, Stefán Örn Einarsson sölustjóri auglýsingadeildar Sýnar, Gísli S. Brynjólfsson forstöðumaður markaðsmála Icelandair, Oddur Finnsson sölu og markaðsstjóri heimamarkaðar Icelandair, Anna Guðný Sigurðardóttir viðskiptastjóri hjá Sýn, Bergsveinn Guðmundsson markaðsstjóri hjá Ölgerðinni, Elsa Jensdóttir viðskiptastjóri hjá Sýn, Hermann Guðmundsson framkvæmdastjóri Kemi, Magna Sveinsdóttir viðskiptastjóri hjá Sýn og Haukur Hauksson markaðsstjóri Kemi. Anton brink

Samstarfsaðilar Sýnar um enska boltann mættu í sportverið og udirrituðu tómamótasamninga. Það eru Hagkaup, Icelandair, Kemi og Ölgerðin sem færa áhorfendum boltann.

Stærsta kostun í íslensku sjónvarpi

Sýn hefur tryggt sér sýningarréttinn á enska boltanum til þriggja ára eða út maí 2028. Herdís Dröfn Fjeldsted forstjóri Sýnar segir undirritun samningana marka tímamót.

„Það er ánægjulegt að nefna að þessir samningar eru stærstu kostunarsamningar sem gerðir hafa verið íslensku sjónvarpi, sem er skýrt merki um tiltrú kostenda um hversu vönduð dagskrárgerðin verður í kringum enska boltann hjá Sýn.“

Frá vinstri; Eiríkur Stefán Ásgeirsson forstöðumaður íþrótta hjá Sýn, Sigurður Reynaldsson framkvæmdastjóri Hagkaup, Gísli S. Brynjólfsson forstöðumaður markaðsmála Icelandair, Bergsveinn Guðmundsson markaðsstjóri hjá Ölgerðinni, Hermann Guðmundsson framkvæmdastjóri Kemi og Ragnhildur Guðmundsdóttir forstöðumaður auglýsingadeildar Sýnar.Anton brink

Enski boltinn kominn heim

Íþróttadeild Sýnar hefur undanfarna mánuði unnið þrotlaust að undirbúningi. Eiríkur Stefán Ásgeirsson, forstöðumaður íþrótta hjá Sýn segir mikinn spenning innanhúss fyrir enska boltanum og metnað lagðan í alla dagsrkárgerð. Allir leikir í deildinni verða í beinni útsendingu og valdir stórleikir verða með veglegri upphitun og uppgjöri í sjónvarpssal.

„Það ríkir mikil tilhlökkun fyrir heimkomu enska boltans hjá okkur öllum hjá Sýn og það var einkar ánægjulegt að skrifa undir samstarfssamninga við þau fjögur framúrskarandi fyrirtæki sem verða kostendur enska boltans hjá Sýn,“

„Markmið okkar er að færa áhorfendum enska boltans framúrskarandi þjónustu í umgjörð og dagskrárgerð. Slíkt væri ekki hægt án aðkomu öflugra samstarfsaðila og fyrir það kunnum við Icelandair, Kemi, Ölgerðinni og Hagkaup miklar þakkir.“

Enski boltinn rúllar af stað 16. ágúst.

Enski boltinn