Caroline kveður Þrótt og heldur heim til Banda­ríkjanna

Caroline kom fyrst til Íslands árið 2017 og spilaði með FH í efstu deild áður en hún fór til Svíþjóðar og Finnlands. Hún sneri svo aftur til Íslands í fyrra og hefur verið einn besti leikmaður Þróttar síðan.

Á þessu tímabili hefur hún spilað alla sjö leikina með Þrótti í Bestu deildinn og lagt upp tvö mörk fyrir liðið, sem situr ósigrað í efsta sæti deildarinnar.

Caroline ætlar hins vegar ekki að halda áfram í toppbaráttunni með Þrótti í sumar og skilur við liðið þegar landsleikjahlé skellur á vegna EM þann 22. júní. Hún nær næstu þremur leikjum liðsins gegn Þór/KA, Stjörnunni og Fram. Svo heldur heim til Bandaríkjanna að spila með hinu nýstofnaða Sporting Club Jacksonville í Flórída.

„Caroline Murray á að baki frábæran feril sem hún vill nú framlengja í sínu heimalandi“ segir í tilkynningu Þróttar.

,,Það er auðvitað mikill söknuður af Caroline sem verið hefur einn besti leikmaður Þróttar undangengin tvö tímabil. Henni býðst hins vegar tækifæri sem hún hefur lengið beðið eftir og Knd. Þróttar vill ekki standa í vegi hennar á þessum tíma. Við óskum henni velfarnaðar í nýju verkefni og vitum að hún á eftir að standa sig vel, enda manneskja sem alltaf gerir sitt allra besta, jafnt innan sem utan vallar” segir formaðurinn Kristján Kristjánsson í tilkynningu Þróttar.