Leik­menn Tottenham sagðir öskuillir og í upp­reisnar­hug eftir brott­rekstur Ange

Samkvæmt frétt Telegraph þá eru leikmenn Tottenham öskuillir og í uppreisnarhug eftir brottrekstur Ange Postecoglou.

Tottenham gerði vel í Evrópudeildinni en endaði bara í sautjánda sæti í ensku úrvalsdeildinni. Lokasprettur liðsins var vissulega vandræðalegur en liðið vann 1-0 sigur á Manchester United í úrslitaleik Evrópudeildarinnar.

Leikmönnum Tottenham þykir brottreksturinn vera mjög miskunnarlaus og það er sögð vera mikil ólga innan leikmannahópsins.

Telegraph segir ekki um hvaða leikmenn sé að ræða en að nokkrir þeirra séu það ósáttir að þeir vilji nú yfirgefa félagið.

Postecoglou sagði sjálfur frá því að hann hefði ekkert heyrt frá forráðamönnum félagsins í tvær vikur áður en hann var rekinn.

„Leikmennirnir eru mjög reiðir yfir því sem hefur gerst og hvernig félagið hagaði sínum málum. Það verður mjög erfitt fyrir næsta knattspyrnustjóra,“ sagði heimildarmaður við Telegraph.

Thomas Frank, núverandi knattspyrnustjóri Brentford, þykir líklegatur til að taka við af Postecoglou en nöfn Marco Silva og Andoni Iraola eru líka upp á borði.