Þróttur fékk kröftugan fram­herja sem þarf að bíða fram að stór­leiknum

Murray, sem reyndar er kantmaður, er þó ekki farin af landi brott og mætir Val í Mjólkurbikarnum í kvöld. Að þeim loknum heldur hún heim til Bandaríkjanna þegar færi gafst til að spila með Sporting Club Jacksonville í Flórída, nýstofnuðu liði sem spilar í bandarísku USL atvinnumannadeildinni.

Rollins er á vef Þróttar lýst sem kröftugum framherja. Hún sé bæði snögg og sterk og hafi skorað 18 mörk í 21 leik fyrir Milwaukee-háskólann í Bandaríkjunum á síðsutu leiktíð, þar sem hún hafi slegið hvert metið á fætur öðru.

Rollins verður þó ekki með Þrótti í stórleiknum gegn Val í Mjólkurbikarnum í kvöld því hún verður ekki gjaldgeng fyrr en félagaskiptaglugginn opnast aftur 15. júlí.

Hún missir þó aðeins af tveimur deildarleikjum, gegn Stjörnunni og Fram, því eftir leikinn við Fram 20. júní tekur við hlé vegna EM í Sviss. Fyrsti leikur Rollins gæti orðið sannkallaður risaleikur því eftir EM-hléið mætir Þróttur Íslandsmeisturum Breiðabliks á Kópavogsvelli, 24. júlí. Hún er þó þegar komin til landsins og byrjuð að æfa með Þrótturum sem vænta mikils af þessum bandaríska leikmanni.