„Barcelona og Real Madrid hefðu rekið mig“

Það gekk lítið upp hjá Manchester City á nýloknu tímabili eftir mikla sigurgöngu árin á undan. Liðið endaði á því að missa af öllum titlum.

Þetta er versta tímabilið undir stjórn Guardiola en liðið endaði í þriðja sæti og þrettán stigum á eftir Englandsmeisturum Liverpool. Versti kaflinn var frá lok október fram í miðjan desember þegar liðið tapaði níu sinnum í þrettán leikjum.

„Eins og þetta tímabil gekk og ef ég hefði verið að þjálfa á Spáni þá hefði ekki verið lengur þjálfari í október, nóvember eða desember,“ sagði Pep Guardiola við DAZN í viðtali sem var tekið í tengslum við heimsmeistarakeppni félagsliða.

„Barcelona og Real Madrid hefðu rekið mig,“ bætti Guardiola við.

„Hér var þetta engin spurning. Þú verður að sýna aðeins meiri þolinmæði,“ sagði Guardiola en það hjálpaði heilmikið að hann var búinn að vinna ensku deildina fjögur ár í röð og þrennuna fyrir tveimur árum.

City gerði gott betur og framlengdi samninginn við Guardiola í nóvember eða þegar gekk sem verst.

Guardiola benti á örlög Carlo Ancelotti hjá Real Madrid en þar var annar sigursæll þjálfari.

„Sjáðu bara Ancelotti. Hann vann Meistaradeildina og spænsku deildina fyrir fjórum dögum og nú er farinn að þjálfa í Brasilíu,“ sagði Guardiola.