Gamli liðsfélagi Arnars og Bjarka gæti bæst í þjálfarateymi Liverpool

Þeir sem horfðu á heimildaþættina um Arnar og Bjarka Gunnlaugssyni í vetur sáu þar viðtal við Van Bronckhorst um tvíburana.

Van Bronckhorst var ungur leikmaður þegar Arnar og Bjarki komu út til hollenska liðsins Feyenoord. Þeir misstu þolinmæðina og leituðu annað en hann hélt út og varð stjarna hjá Feyenoord.

Van Bronckhorst er fimmtugur en lék á sínum tíma 106 landsleiki fyrir Holland.

Slot er sagður hafa haft samband við Van Bronckhorst í síðasta mánuði ásamt íþróttastjóranum Richard Hughes.

Viðræðurnar eru nú langt komnar og búist er við samkomulagi á næstu dögum.

Van Bronckhorst gerði góða hluti sem stjóri Rangers tímabilið 2021-22 þegar liðið var skoskur bikarmeistari og komst í úrslitaleik Evrópudeildarinnar.

Hann var aftur á móti rekinn í nóvember það sama ár. Hann réði sig til Besitkas síðasta sumar en entist bara í sex mánuði þar.