Vilja að Mbeumo elti stjórann

Mbeumo, sem er 25 ára, naut sín í botn undir stjórn Thomas Frank í vetur og skoraði 20 mörk í ensku úrvalsdeildinni.

Manchester United hefur reynt að fá hann og bauð 45 milljónir punda, auk 10 milljóna punda í viðbótargreiðslur, en það tilboð mun hafa verið langt undir væntingum Brentford-manna.

BBC hefur heimildir fyrir því að Tottenham undirbúi nú tilboð í Mbeumo en að hann sé einnig í sigti fleiri liða í Meistaradeild Evrópu, af meginlandi álfunnar.

Mbeumo á aðeins eitt ár eftir af samningi sínum við Brentford, þó að möguleiki sé á árs framlengingu, og því líklegt að keppst verði um hann í sumar. Hann hefur alls skorað 70 mörk í 242 leikjum fyrir Brentford eftir komuna frá franska 2. deildarfélaginu Troyes árið 2019.