Lífið

Ind­verji á leið til landsins leitar að heimsforeldrinu Haf­dísi

Sólrún Dögg Jósefsdóttir skrifar
Til vinstri má sjá kortin sem Hafdís sendi Ambiku og til hægri má sjá barnaþorpið sem hún ólst upp í.
Til vinstri má sjá kortin sem Hafdís sendi Ambiku og til hægri má sjá barnaþorpið sem hún ólst upp í. SOS

Indversk kona sem ólst upp í SOS barnaþorpi og er á leið til Íslands leitar heimsforeldis síns. Sú heitir Hafdís og sendi henni reglulega kort til þorpsins, síðast fyrir um tíu árum. 

Í Facebook færslu SOS barnaþorpanna segir að konan, að nafni Ambika, hafi alist upp í barnaþorpinu í Greenfields á Indlandi á áunum 1993 til 2012. Hafdís, heimsforeldri hennar, hafi styrkt hana og reglulega sent henni kort í pósti. 

Um mánaðamótin sé Ambika á leið til Íslands ásamt eiginmanni sínum. „Hana langar afar mikið að hitta Hafdísi til að þakka henni stuðninginn og kortasendingarnar í öll þessi ár,“ segir í færslunni.

Þar sem SOS Barnaþorpin lúti ströngum persónuverndarlögum eigi félagið ekki lengur upplýsingar um Hafdísi í tölvukerfinu sínu. Því hafi félagið brugðið á það ráð að auglýsa eftir henni á samfélagsmiðlum.

Þá er viðkomandi Hafdísi eða þeim sem telja sig vita um hvaða Hafdísi ræðir bent á að hafa samband við SOS barnaþorpin á Facebook. 

Hjálparstarf Góðverk Indland


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.