Enski boltinn

Liverpool gæti misst Mo Salah í sex leiki

Óskar Ófeigur Jónsson skrifar
Mohamed Salah með Englandsmeistaratitilinn en hann missti ekki úr leik á síðasta tímabili og átti beinan þát í 47 mörkum í 38 leikjum.
Mohamed Salah með Englandsmeistaratitilinn en hann missti ekki úr leik á síðasta tímabili og átti beinan þát í 47 mörkum í 38 leikjum. Getty/Liverpool FC

Leikjadagskrá ensku úrvalsdeildarinnar í fótbolta var gefin út í gær og nú vita stuðningsmenn Liverpool meira hverju þeir geta átt von á um áramótin þegar einn besti leikmaður liðsins verður upptekinn annars staðar.

Mohamed Salah er nefnilega á leiðinni með egypska landsliðinu í Afríkukeppnina en hún fer fram í desember 2025 og janúar 2026.

Egyptar geta kallað Salah til sín fyrir jól og hann spilar ekki í þrjár fyrstu vikurnar í janúar fari Egyptar alla leið í undanúrslit keppninnar. Úrslitleikur Afríkukeppninnar verður spilaður 18. janúar en keppnin er að þessu sinni haldin í Marokkó.

Samkvæmt leikjadagskránni þá missir Salah mögulega af leikjum á móti Tottenham Hotspur (úti), Wolves (heima), Leeds (heima), Fulham (úti), Arsenal (úti) og Burnley (heima).

Mohamed Salah var bæði markahæstur og stoðsendingahæstur í ensku úrvalsdeildinni á síðustu leiktíð og var valinn besti leikmaður deildarinnar.

Salah skoraði sex mörkum fleira en næsti maður (29) og gaf sex fleiri stoðsendingar (18) en sá sem kom næstu á eftir honum.

Alls kom hann því að 47 mörkum í 38 leikjum. Hann spilaði líka alla leiki tímabilsins en svo verður ekki á komandi tímabili.

Enski boltinn

Mest lesið


Fleiri fréttir

Sjá meira


×

Mest lesið