Djúsí maís­stönglar frá BBQ kónginum

Fyrsti rétturinn er ættaður frá matarlandinu mikla Mexíkó en um er að ræða grillaða maísstöngla sem er mjög vinsæll „street food“ réttur þar í landi.

„Ég elska að grilla ferska maísstöngla,“ segir Alfreð Björnsson, betur þekktur sem Alli en auðvitað best þekktur sem BBQ kóngurinn. „Íslendingar hafa hingað til ekki verið neitt sérstaklega duglegir að grilla þá ferska en ég mæli sko með því enda eru þeir sérstaklega safaríkir. Svo þegar sósan bætist við kemur algjör bragðsprengja.“

Þessi réttur gengur bæði sem aðalréttur og meðlæti þótt vissulega séu þeir frekar plássfrekt meðlæti.

Súper einfaldur mexíkóskir „street food“ maísstönglar

Byrjið á því að taka laufin niður af maísstönglinum og fjarlægið þræðina. Setjið laufin aftur upp. 

Grillið hann á beinum hita á 200 gráðu heitu grilli í 20 mínútur og snúið reglulega.

Takið laufin af og penslið með Hellmann's majónesi, stráið parmesan osti allan hringinn og kryddið vel með tajin kryddi eða cayenne pipar. 

Gott er að kreista smá lime yfir áður en borið fram.

Njótið!