Tomasz tekur við for­mennsku í inn­flytj­endaráði

Í tilkynningu á vef stjórnarráðsins segir að Tomasz hafi fæðst í Częstochowa í Póllandi árið 1981 og búið í Reykjavík frá árinu 2007.

„Inga Sæland, félags- og húsnæðismálaráðherra, skipar innflytjendaráð og er hlutverk þess að:

• vera ráðherra til ráðgjafar við faglega stefnumótun í málefnum innflytjenda og hafa eftirlit með framkvæmd hennar,
• stuðla að samhæfingu og samráði milli ráðuneyta, sveitarfélaga og innan stjórnsýslunnar,
• stuðla að opnum umræðum um málefni innflytjenda með ráðstefnum og fundum með hagsmunaaðilum,
• gera árlega tillögu til ráðherra um hverjar áherslur þróunarsjóðs innflytjendamála skulu vera,
• gera árlega tillögu til ráðherra um veitingu styrkja úr þróunarsjóði innflytjendamála,
• skila ráðherra árlega skýrslu um störf sín og vinna önnur verkefni í samræmi við markmið laganna samkvæmt nánari ákvörðun ráðherra.

Tomasz Chrapek er með meistaragráðu í tölvunarverkfræði frá Tækniháskólanum í Częstochowa og meistaragráðu í félagsfræði frá Jan Długosz-akademíunni. Tomasz hefur brennandi áhuga á samfélagsmálum og var meðstofnandi bæði ProjektPolska.is og Pólska ljósmyndafélagsins á Íslandi (Pozytywni.is). Hann sat í Íþrótta- og tómstundaráði Reykjavíkur (ÍTR) frá 2014 til 2018 og var formaður Fjölmenningarráðs Reykjavíkur frá 2015 til 2018.

Árið 2019 kom hann á fót vinnuhópnum sem stofnaði Veru, regnhlífarsamtök innflytjendafélaga á Íslandi, og árið 2023 stofnaði hann félagasamtök Circa til að efla félagslega og umhverfislega sjálfbærni. Tomasz hefur verið virkur í stjórnmálum og starfar í dag sem sem kerfissérfræðingur í netöryggisfyrirtæki Varist.

Aðalfulltrúar í innflytjendaráði eru:

• Tomasz Paweł Chrapek formaður, án tilnefningar
• Hanna Guðmundsdóttir varaformaður, án tilnefningar
• Arnar Sigurður Hauksson, tilnefndur af dómsmálaráðuneyti
• Pétur Örn Pálmarsson, tilnefndur af heilbrigðisráðuneyti
• Donata Honkowicz Bukowska, tilnefnd af mennta- og barnamálaráðuneyti
• Helena N. Wolimbwa, tilnefnd af Reykjavíkurborg
• María Ingibjörg Kristjánsdóttir, tilnefnd af Sambandi íslenskra sveitarfélaga

Varafulltrúar eru:

• Sigurður H. Ingimarsson, án tilnefningar
• Grace Achieng, án tilnefningar
• Ása Dagmar Jónsdóttir, tilnefnd af dómsmálaráðuneyti
• Drífa Jónasdóttir, tilnefnd af heilbrigðisráðuneyti
• Óttarr Ólafur Proppé, tilnefndur af mennta- og barnamálaráðuneyti
• Dagbjört Ásbjörnsdóttir, tilnefnd af Reykjavíkurborg
• Ingimar Guðmundsson, tilnefndur af Sambandi íslenskra sveitarfélaga

Starfsmaður innflytjendaráðs er Áshildur Linnet, sérfræðingur í félags- og húsnæðismálaráðuneytinu.

Fyrri formaður innflytjendaráðs var Paola Cardenas og þar áður gegndi Tatjana Latinovic formennsku,“ segir í tilkynningu á vef stjórnarráðsins.