F1: The Movie frumsýnd í Egilshöll – sjáðu myndirnar

Sam-félagið 27. júní 2025 10:35

Það var heldur betur fagnaðarfundur þegar Reynir Bergmann og Ásgeir Kolbeins hittust á forsýningu myndarinnar F1: The Movie í Sambíóunum Egilshöll á miðvikudag. Þeir félagar mættust í sögulegum þætti í Sjáðu fyrir nokkrum árum sem er strax kominn í sögubækurnar.

Það mátti heyra öskrið í vélunum og sjá hvíta tjaldið stjörnuprýtt á forsýningu F1: The Movie í Sambíóunum Egilshöll á miðvikudag.

Rauða dreglinum var rúllað út og var eftirvæntingin orðin áþreifanleg er bíógestir biðu þess að opnað væri inn í salinn til að sjá Brad Pitt fara á kostum sem ökuþórinn Sonny Hayes. Myndin hefur að geyma stórkostlegar senur og kappakstursatriði sem tekin voru upp á alvöru Grand Prix Formúlu 1 viðburðum og má sjá sumar af stærstu stjörnum Formúlunnar bregða fyrir í myndinni.

Heiðar Austmann útvarpsmaður á K100 mætti með vini sínum.

Leikkonan Kristín Lea með vinafólki sínu.

Haukur Unnar Þorkelsson og Katla Hreiðarsdóttir í Systur og makar.

Það var ekki aðeins stærsti bíóskjár landsins sem var stjörnuprýddur í gærkvöldi heldur létu íslenskar stjörnur og framafólk sig ekki vanta á frumsýninguna myndarinnar. Meðal gesta voru DJ Danni Deluxe, Bergur Ebbi, Frosti Logason, Ægir Þór Steinarsson, Heiðar Austmann, Katla og María Krista Heiðarsdætur (Systur og Makar) og fleiri góðir gestir.

Frosti Logason og Helga Gabríela Sigurðardóttir (t.h.) ásamt vinafólki.

Einnig voru fagnaðarfundir hjá þeim Reyni Bergmann og Ásgeiri Kolbeins en margir muna eflaust eftir heimsókn Reynis til Ásgeirs í sjónvarpsþáttinn Sjáðu sem var á dagskrá fyrir fáeinum árum síðan. Það væri fróðlegt að vita hvort Reynir sé búinn að fríska aðeins upp á kvikmyndaþekkingu sína síðan sá þáttur af Sjáðu fór í loftið.

Ægir Þór landsliðsmaður í körfubolta og nýkrýndur íslandsmeistari með konu sinni Heiðrúnu Kristmundsdóttur.

Eftir frumsýningu skein það bersýnilega í gegn að bíógestir voru hæst ánægðir með F1: The Movie en myndin hefur sömuleiðis hlotið frábærar viðtökur gagnrýnenda erlendis.

F1: The Movie er komin í almennar sýningar í Sambíóunum.

Kvikmyndahús Bíó og sjónvarp