Combs á­fram í gæslu­varð­haldi

Verjendur Combs fóru fram á að hann yrði látinn laus en dómarinn vísaði meðal annars til þess að sannað hefði verið að rapparinn hefði framið ofbeldisverk og þannig væri ekki við hæfi að láta hann lausan að svo stöddu.

Diddy, eins og hann er gjarnan kallaður, mun því áfram verða haldið í fangelsinu í Brooklyn þar sem hann hefur dvalið frá því í september í fyrra.

Combs var fundinn sekur um fólksflutninga í tengslum við vændi en sýknaður af ákærum um mansal og skipulagða glæpastarfsemi. 

Að óbreyttu verður honum gerð refsing 3. október næstkomandi en verjendur hans hafa farið fram á að ákvörðuninni verði flýtt.

Tónlistarmaðurinn á yfir höfði sér allt að 20 ára fangelsi en flestir sérfræðingar vestanhafs sem hafa tjáð sig um málið telja refsinguna þó munu verða töluvert mildari. 

Þeir ítreka hins vegar að dómarinn hafi mjög frjálsar hendur hvað þetta varðar.