Leik­menn Liverpool þurfa að mæta í vinnuna í dag

Arne Slot, knattspyrnustjóri Liverpool, og fjöldi leikmann liðsins ferðuðust til Gondomar í Portúgal um helgina til að vera viðstaddir jarðarför Jota.

Leikmenn Liverpool áttu að mæta til vinnu síðasta föstudag og þess vegna var Jota á leiðinni norður, til að ná ferju til Englands, þegar slysið varð.

Eftir banaslysið þá frestaði Liverpool byrjun undirbúningstímabilsins um fjóra daga en leikmenn eiga í staðinn að mæta á æfingasvæðið í dag.

Liverpool átti að spila fyrsta undirbúningsleik sinn á móti Stefáni Teiti Þórðarsyni og félögum í Preston North End á sunnudaginn en sá leikur er í uppnámi vegna alls þess sem gengið hefur á.

Liverpool varð Englandsmeistari í vor og hefur keypt nýja leikmenn í sumar. Það ætti því að vera mikil spenna fyrir titilvörninni en síðustu dagar hafa verið leikmönnum, starfsmönnum og stuðningsmönnum Liverpool mjög erfiðir. Það mun því eflaust reyna mikið á menn að þurfa hefja leik á nýju án portúgalska liðsfélagans síns.

Augu fjölmiðla verða líka örugglega á æfingasvæði Liverpool í dag þegar leikmenn mæta á svæðið.